प्रचण्ड भन्छन-‘सरकार आलोपालो चलाउने सहमती भएको छ’

<p>चितवन ।</p><p>नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले अबको सरकारको नेतृत्व दुई दलका नेताले आलोपालो गर्ने सहमति भएको बताउनुभएको छ ।</p><p>प्रेस सेन्टर चितवनले आज चितवनमा गरेको पत्रकार सम्मेलनमा नेता दाहालले सरकारको नेतृत्व आलोपालो अपनाउने सिद्धान्ततः भएको जानकारी दिदै पार्टी एकता संयोजन समितिको बैठक बसेपछि यसको अन्तिम टुंगो लगाउने बताउनुभयो ।</p><p>अध्यक्ष प्रचण्डले पाँच दलको आज बसेको बैठकमा राष्ट्रिय सभाको गठन एकल संक्रमणीय कि बहुमतीय भन्ने विषयमा छलफल भएको बताउँदै टुंगोमा नपुगे पनि छलफल सकारात्मक भएको बताउनुभयो ।</p><p>राष्ट्रियसभा गठन सम्बन्धमा विगतमा संविधानमै प्रष्ट रुपमा निर्वाचन एकल संक्रमणीय विधिबाट हुने उल्लेख भए पनि यस पटक संविधानमा त्यस्तो कुनै स्पष्ट उल्लेख नभएको बताएँदै उहाँले
अध्यक्ष प्रचण्डले भारतीय प्रधानमन्त्री नरेन्द्र मोदीले शीर्ष तीन नेतालाई टेलिफोन गरेपछि आज बैठक बस्नुमा कुनै तालमेल नरहेको पनि स्पष्ट पार्नुभयो ।
</p>