घुघुरकोट पुर्ण जन्मदर्ता र आधारभुत शिक्षा प्राप्त वडा घोषणा

<p>अछाम ।</p><p>अछामको साफेबगर नगरपालिका वडानम्वर १० घुघुरकोटलाई एक कार्यक्रमका बिच पुर्ण जन्मदर्ता र अनिवार्य तथा आधारभुत शिक्षा प्राप्त वडा घोषणा गरिएको छ ।</p><p>“घुघुरकोटवासिको एउटै इच्छा, बालबालिकाका लागि पुर्ण जन्मदर्ता र अनिवार्य आधारभुत शिक्षा“ भन्ने मुल नारा सहित अनिवार्य आधारभुत शिक्षा र पुर्ण जन्मदर्ता कार्यान्वयन गर्ने प्रतिबद्द्ता समेत गरिएको छ ।</p><p>वडामा रहेका सबै बालबालिकाको ३५ दिन भित्र जन्म दर्ता गरिसकेपछि र सबै बालबालिकाले अनिवार्य रुपमा आधारभुत शिक्षा प्राप्त गरेको पाइएपछि भब्य कार्यक्रमका बिच प्रतिबद्धता घोषणा कार्यक्रम गरिएको हो ।</p><p>वडा अध्यक्ष लाल बहादुर खड्काको अध्यक्षतामा भयको घोषणा कार्यक्रमको प्रमुख अतिथिमा साफेबगर नगरपालिकाका नगर प्रमुख कुल बहादुर कुवर रहनुभयको थियो ।
</p>