धनगढी उपमहानगरपालिकाका इन्जिनियर भट्टलाई कालोमोसो

<p>२६ जेठ, धनगढी ।<br>नेत्रविक्रम चन्द विप्लव नेतृत्वको&nbsp; माओवादीले भ्रष्टाचारमा संलग्न रहेको भन्दै कैलालीको धनगढी उपमहानगरपालिकाका ईन्जिनियर दिजराज भट्टलाई कालोमोसो दलेको छ ।</p><p>भट्टले योजना बापत विभिन्न ठेकेदार र उपभोक्ता समितिका अध्यक्षसंग कमिशनवापत १५ प्रतिशतसम्म&nbsp; रकम माग्ने गरेको पाइएपछि कालोमोसो दलिएको सो पार्टीले जनाएको छ ।</p><p>उनलाई मंगलबार बिहान कार्यालयमै गएर कालोमोसो दलिएको हो ।</p><p>पटक पटक सुध्रिन सचेत गराउदा समेत नसुध्रिएको र भ्रष्टाचार&nbsp; झन् बढेकोले चेतावनी स्वरूप कालोमोसो दलिएको विप्लव माओवादीको विद्यार्थी भातृ संगठनका नेता बिरेन्द्र बिकेले जानकारी दिए ।</p><p>इन्जिनियर भट्टसहित उपमहानगरपालिकाका कतिपय कर्मचारीमाथि भ्रष्टारको आरोप लाग्दै आएको थियो । कतिपय कर्मचारी कार्यालयमा नबस्ने र कार्यालय समयमै होटेलहरुमा भेटिने गरेको सेवाग्राहीले गुनासो गर्दै आएका थिए ।</p><p>प्रहरीले कालोमोसो दल्नमा संलग्नको खोजी गरिरहेको जनाएको छ ।<br><br></p>