८ हजार मतले हारेका काँग्रेस नेता भन्छन-‘वाम सरकारको आयु १८ महिना’

<p>बुटवल ।</p><p>प्रतिनिधिसभा निर्वाचनमा पराजित भएको २४ घण्टा बित्न नपाउँदै प्रत्यक्ष तर्फ तेस्रो दल बनेको नेपाली कांग्रेसका नेता चन्द्र भण्डारीले बाम सरकार १८ महिनामा ढालिदिने धम्की दिएका छन ।</p><p>कांग्रेसलाई कमजोर ठानेर अघि बढे बाम सरकारको आयु निकै छोटो हुने चेतावनी दिंदै भण्डारीले निर्वाचन परिणामबाट कांग्रेस आत्तिनुनपर्ने बताए ।</p><p>बुधबार बुटवलमा पत्रकारहरुसँग कुरा गर्दै भण्डारीले भने, ‘कांग्रेसले चुनाव हारे पनि उसको शक्ति र क्षमता भने हराएको छैन । नयाँ शिराबाट पार्टी अघि बढ्छ ।’</p><p>अब पनि स्थिर सरकार नहुने बताएका भण्डारीले काँग्रेसले सत्ता टिक्न नदिने संकेत गर्दै भने कांग्रेसलाई सामान्य ठानी बाहिर राख्ने काम गर्नु हुँदैन यसो भएमा वामसरकारको आयु १८ महिनामै सकिन्छ ।</p><p>भारतले नाकाबन्दी गर्दा पार्टीले त्यसको प्रतिवाद गर्न नसक्नु, पाँच नम्बर प्रदेशका पहाडी जिल्ला टुक्रयाउने प्रस्तावमा समर्थन गर्नु र माओवादीका नेता कार्यकर्ता वाम गठबन्धनमा धेरै ईमान्दार बनेका कारण कांग्रेसले हार व्यहोर्नु परेको र आफुपनि त्यसैको शिकार भएको उनको भनाइ छ ।</p><p>प्रतिनिधिसभा सदस्यका लागि गुल्मी १ मा उठेका भण्डारी एमाले सचिप प्रदिप ज्ञवालीसँग ७ हजार बढी मत अन्तरले पराजित भएका हुन् ।</p><p>ज्ञवालीले ३७,९१४ मतका साथ विजय भएका थिए भने भण्डारीले ३०,२५६ मत मात्र प्राप्त गरेका थिए ।

</p>