गच्छद्धारलाई जिताउन निर्वाचन अधिकृतको मनलाग्दी निर्णय! एमालेको मत बदर गच्छद्धारको सदर

<p><span style="line-height: 1.42857;">सुनसरी ।</span><br></p><p>फोरम लोकतान्त्रीकलाई नेपाली काँग्रेसमा मिलाएर प्रतिनिधिसभा निर्वाचनमा उम्मेद्धार बनेका सदाबहार उपप्रधानमन्त्रीको रुपमा चिनिने गरेका विजयकुमार गच्छद्धार पराजय नजिक पूगेका छन ।</p><p><br></p><p>सुनसरी निर्वाचन क्षेत्र नं ३ का नेकपा एमाले उम्मेदवार भगवती चौधरीले ३०९१९ मत ल्याएर सबैभन्दा अगाडि हुँदा गच्छद्धार लगातार पछि परेका छन ।</p><p><br></p><p>मतगणना सकिन लाग्दा नेपाली काँग्रेसका उम्मेदवार विजयकुमार गच्छद्धारले ३०७५४ मात्र मत ल्याएका छन ।</p><p><br></p><p>मतगणनाका क्रममा एमाले उम्मेदवार चौधरीले मतगणनामा असन्तुष्टि जनाएपछि सोमबार बिहानदेखि मतगणना स्थगित भएको थियो ।</p><p><br></p><p>मतगणनाका क्रममा नौवटा रुख चिन्हमा छाप लागेको अर्धकट्टी सहितको मतपत्रलाई निर्वाचन अधिकृत टिकाभुषण घिमिरेले दबावमा आएर सदर गरेपछि एमाले उम्मेदवार चौधरीले मतगणनामा असन्तुष्टि जनाएकी थिइन । त्यस लगत्तै मतगणना अवरुद्ध भएको थियो ।</p><p><br></p><p>उक्त क्षेत्रमै एउटा सूर्य चिन्हमा २० रुपैयाँको नोट टाँसिएको मतपत्र भेटिएपछि उक्त मतपत्र बदर गरिएको थियो । उक्त मतपत्र भने सग्लो अवस्थामा थियो । यसलाई पनि चौधरीले आपत्ति जनाएकी थिइन् । सोमबार मतगणना स्थगित हुनुअघि गच्छदारलाई चौधरीले एक सय ५५ मतले अग्रता लिएकी थिइन्।</p><p><br></p><p>मतगणनाको क्रममा धाँधली गर्न खोजेको भन्दै एमाले उम्मेदवार चौधरीले मत गणना वहिष्कार गरेपछि सुनसरी क्षेत्र नम्बर ३ को प्रतिनिधिसभा र सोही क्षेत्रको प्रदेशसभातर्फ ९ख० निर्वाचन क्षेत्रको मत गणना स्थगित भएको थियो। मतगणना स्थगित भएपछि कांग्रेस कार्यकर्ता र एमाले कार्यकर्ताले मतगणना स्थलमा नाराबाजी गरेपछि झडपको स्थिति सिर्जना भएको थियो।</p><p><br></p><p>अहिले मतदान स्थलमा सेना, प्रहरी र सशस्त्र प्रहरी व्यापक रुपमा परिचालन गरिएको छ ।</p>