22.12¡ÆC
<p>मकवानपुर ।</p><p>मकवानपुर जिल्लाको सबै निर्वाचन क्षेत्रको मत परिणाम सार्वजनिक भएको छ ।
जिल्लाको प्रतिनिधि सभा तर्फ २ वटामा नै बामगठबन्धनका उम्मेदवारले जीत हासिल गरेका छन् भने चारवटा प्रदेश सभा रहेको यो जिल्लामा एउटा क्षेत्र बाहेक सबैमा बामका उम्मेदवारले जितेका छन् ।</p><p>मकवानपुर जिल्लाको क्षेत्र नम्बर १ मा बामका उम्मेदवार कृष्ण प्रसाद दाहालले ४० हजार ६ सय ३१ मत ल्याइ बिजयी हुनु भएको छ भने लोकतान्त्रिक गठबन्धनका राप्रपाका अध्यक्ष कमल थापाले ३४ हजार ६ सय ५८ मत प्राप्त गर्नुभयो ।</p><p>यसैगरी क्षेत्र नम्बर २ मा बाम गठबन्धनका बिरोध खतिवडाले ४६ हजार ४ सय ८१ मत ल्याई बिजयी हुनुभयो भने लोकतान्त्रिकी काँग्रेसका उम्मेदवार महालक्ष्मी उपाध्यायले ३४ हजार ९० मत प्राप्त गनुृभयो ।</p><p>प्रदेश तर्फ १ को क बाट बामका प्रेम बहादुर पुलामीले २१हजार ६ सय २९ मतका साथ बिजयी हुनुभयो भने लोकतान्त्रिक गठबन्धनका धर्मराजा लामिछानेले १८ हजार ७ सय ७५ मत प्राप्त गर्नुभयो ।
प्रदेश १ कै ख बाट बामका डोरमणी पौडेलले २० हजार ७ सय ३ मतका साथ बिजयी हुनुभयो भने लोकतान्त्रिक गठबन्धनका अशोक शाक्यले १६ हजार ५ सय ८१ मत प्राप्त गर्नुभयो ।</p><p>यसरी नै क्षेत्र नम्बर २ को क बाट बामकी कुमारी मोत्तानले २७ हजार १ सय ३२ मतका साथ बिजयी हुनुभयो । भने उहाँलाई लोकतान्त्रिकका नेपाली काँग्रेसका यतिराज सापकोटाले १४ हजार १ सय ३६ मत प्राप्त गर्नुभयो ।</p><p>प्रदेश २ कै ख बाट लोकतान्त्रिकका नेपाली काँग्रेसका नेता इन्द्र बानियाले १९ हजार २ सय ५ मत प्राप्त गरी बिजयी हुनुभयो भने नेकपा एमालेका राजाराम स्यांगतानले १७ हजार ८ सय ३४ मत प्राप्त गर्नुभयो ।
यसैबीच हेटौडामा आज बाम गठबन्धनले सयुक्त रुपमा बिजय जुलुस समेत मनाएका छन् ।
</p>
