18.16¡ÆC
<p>काठमाडौं ।</p><p>दैनिक उपभोग्यदेखि विलासिताका सामग्रीहरूको आयात उच्च भएपछि चालु आर्थिक वर्षको तीन महिनामै मुलुकको व्यापार घाटा २ खर्ब ४० अर्ब रुपैयाँ पुगेको छ ।</p><p>अघिल्लो वर्षको तीन महिनाको तुलनामा १९ प्रतिशतले व्यापार घाटा वृद्धि भई २ खर्ब ३९ अर्ब ७५ करोड रुपैयाँ पुगेको छ ।</p><p>गत वर्ष यही अवधिमा २ खर्ब १ अर्ब ६९ करोड रुपैयाँ व्यापार घाटा भएको थियो ।</p><p>भन्सार विभागको तथ्यांकअनुसार वीरगंज लगातका नाका हुदै साउन, भदौ र असोज महिनामा मात्रै २ खर्ब ६० अर्ब २० करोड रुपैयाँका सामग्री आयात भएका छन् ।
यो गत आर्थिक वर्षको तुलनामा करिब १८ प्रतिशतले बढी हो ।</p><p>निर्यात भने २० अर्ब ४५ करोड रुपैयाँको मात्रै भएको छ । जुन गत वर्षको तुलनामा ८ प्रतिशत मात्रै बढेको हो ।</p><p>यो वर्षको आगामी महिनाहरूमा पनि यही अनुपातमा आयात बढीरहे चालु वर्षको व्यापार घाटा १० खर्ब रुपैयाँभन्दा बढी हुनेछ ।
</p>
