शेयर बजार परिसूचक १२ अंकले बढ्यो

<p><span style="line-height: 1.42857;">काठमाडौं ।</span><br></p><p>यो साता नेपाली शेयर बजारको परिसूचक नेप्से साताको पहिलो दिनको तुलनामा ११.९२ अंकले बढेर अन्तिम दिन १४८९.०६ अंकमा पुगेको छ ।</p><p>यो साता समग्र स्टकको कारोवार १५.६ प्रतिशतले वृद्धि भएको छ ।</p><p>यो साता नेपाल स्टक एक्सचेन्जमा १८० कम्पनीहरुको कारोबार भएको छ ।</p><p>जस अनुसार २९हजार ३ सय ३० कारोबारहरुबाट दुई अर्ब ९२ करोड पाँच लाख १५ हजार रुपैयाँ बराबरका ६८ लाख २७ हजार छ सय ८० कित्ता सेयरहरु किनबेच भएका छन् ।&nbsp;</p><p>यसैगरी समूहगत परिसूचक तर्फ यो साता बाणिज्य बैक, जलविद्युत, उत्पादनमुलक र अन्य समूहको कारोवारमा सुधार भएको छ भने अन्य सबै समूहको कारोवार घटेको छ ।&nbsp;</p><p>यस साता कारोबार रकमको आधारमा चिलिमे हाइड्रोपावर कम्पनी लिमिटेड, कारोबार भएको सेयर संख्याको आधारमा प्रभु बैंक लिमिटेड र कारोबार संख्याको आधारमा नेपाल ग्रामिण विकास बैंक लिमिटेड अग्रस्थानमा रहेको छन् ।</p>