एसीसी यू–१९ एसिया कपको सेमिफाइनलमा नेपाल अफगानिस्तानसँग भिड्दै

<p><span style="line-height: 1.42857;">काठमाडौं ।</span><br></p><p>एसीसी यू–१९ एसिया कपको सेमिफाइनलमा शुक्रबार नेपालले अफगानिस्तानको सामना गर्दैछ ।&nbsp;</p><p><br></p><p>खेलअघि प्रतिक्रिया दिँदै नेपाली प्रशिक्षक विनोद दासले नेपालले विगतको भन्दा फरक खेल प्रस्तुत गर्ने बताउनुभयो ।</p><p><br></p><p>पछिल्लो पटक गत जुलाईमा नेपाल र अफगानिस्तानको युवा टोली सिंगापुरमा भएको विश्वकप छनोटमा आमनेसामने भएका थिए । राउण्ड रोबिन लिगमा नेपालले अफगानिस्तान विरुद्ध खेलेका दुबै खेलमा पराजय भोगेको थियो ।</p><p><br></p><p>नेपालले समूह चरणमा भारत र मलेसियालाई पराजित गर्दै सेमिफाइनल यात्रा तय गरेको थियो । भारतलाई कुनैपनि स्तरको क्रिकेटमा नेपालले पहिलोचोटी पराजित गरेको हो ।&nbsp;</p><p><br></p><p>पहिलो सेमिफाइनलमा बंगलादेशलाई २ रनले पराजित गर्दै पाकिस्तान फाइनलमा प्रवेश गरेको छ । फाइनलमा उसले नेपाल र अफगानिस्तानको खेलको विजेतासँग भिड्नेछ ।&nbsp;</p>