मलेसिया ४५ रनमै अलआउट, नेपाल ४६ रनको झिनो लक्ष्य पछ्याउँदै मैदानमा (लाईभ)

<p><span style="line-height: 1.42857;">काठमाडौं ।</span><br></p><p>नेपालले मलेसियामा जारी आई सी सी अण्डर १९ यूथ यशिया कप क्रिकेट प्रतियोगितामा मलेसियालाई उसकै घरेलु मैदानमा मात्र ४५ रनमा समेट्दै सबै खेलाडीलाई पेभेलियन फर्काइदिएको छ ।</p><p><br></p><p>मलेसियालाई ४५ रनमा अलआउट गर्ने क्रममा सन्दिप लामिछानेले सबैभन्दा बढी ५ विकेट लिएका छन् ।</p><p><br></p><p>अन्तिम विकेट समेत लिएका सन्दिपले मात्र ८ रन खर्चिएर ४.३ ओभर बलिंग गरेका थिए ।</p><p><br></p><p>नेपालको लागि सहब अलम र दिपेन्द्र सिह ऐरिले समान २ २ विकेट लिए भने अनिल कुमार शाहले एक विकेट लिएका थिए ।</p><p><br></p><p>सन्दिप लामिछानेको बलमा एलबिडब्लु भएका मलेसियाका सैफ उल्लाह मलिकले सबैभन्दा बढी १३ रन जोडेका थिए । मलेसियाका कुनैपनि खेलाडी नेपाली बलरसामु मैदानमा टिक्न सकेनन् ।</p><p><br></p><p>२.९ रनरेटमा नेपालले पाएको ४६ रनको झिनो लक्ष्य पछ्याउँदै नेपाल जवाफी ब्याटिगंमा उत्रंदैछ ।</p><p><br></p><p>आईतबार भएको दोस्रो खेलमा नेपालले भारतलाई पराजित गर्दै एतिहासिक सफलता प्राप्त गरेको थियो । पहिलो खेलमा भने नेपाल बंगलादेशसँग पराजित भएको थियो ।</p><p><br></p><p>नेट रन रेटका आधारमा २ अङ्कसहित भारत दोस्रो स्थनमा रहेको छ भने समान २ अङ्क रहेको नेपाल तेस्रो स्थानमा रहेको छ । मलेसियाले अहिले सम्म कुनै अङ्क जोड्न सकेको छैन ।</p><p><br></p><p>समूहको विजेता र उपविजेता समिफाईनलमा प्रवेश गर्ने भएकाले आजको खेलमा नेपालले मलेसियालाई धेरै रनरेटमा पराजित गरेमा र भारत पनि पराजित भएको खण्डमा नेपाल दोस्रो चरणमा प्रवेश गर्नेछ भने साविकको विजेता भारत नेपालसँगको एतिहाँसिक पराजयको स्वाद चाख्दै घर फर्कनेछ ।</p><p><br></p><p><span style="line-height: 18.5714px;">&nbsp;खेलको लाईभ भिडियो केही बेरमा राख्ने प्रयासमा छौं । हामीसँगै रहनुहोला ।</span><br></p><h3>लाईभ अपडेट हेर्न <a href="http://acc.sportsmechanics.in.s3-ap-southeast-1.amazonaws.com/U19/matchcenter.html" target="_blank">यहाँ क्लिक</a> गर्नुहोस्</h3><div><br></div>