19.12¡ÆC
मुस्ताङ ।
मुस्ताङको लोमान्थाङ गाउँपालीका ५ मा आधुनिक सुबिधा सहितको रिसोर्ट सञ्चालन भएको छ ।
पुर्व मुस्ताङी राजकुमार जिग्मे सिङ पलवर बिष्टले लोमान्थाङमा आमा पाल रोयल मुस्ताङ रिसोट सञ्चालनमा ल्याउनुभएको हो । गणतन्त्र स्थापना भएपछि निश्क्रिय बनेका राजपरिवार होटल व्यवसायमा लागेका छन् ।
उपल्लो मुस्ताङ भ्रमणमा आउने आन्तरीक तथा बाह्य पर्यटकहरुको सुबिधाका लागि रिसोर्ट स्थापना गरेको सञ्चालक बिष्टले बताउनुभयो । उहाँका अनुसार गत असोज महिनादेखि सञ्चालनमा आएको रिसोर्ट स्थापना गर्न नौ करोड रुपैया लगानी भएको छ ।
उक्त रिसोर्टमा तिब्बती शैलीका भवन रहेको छ । केही निर्माण सामाग्री तिब्बत बाट समेत ल्याइएको थियो । एक दिनमा पचास जना पाहुना बास बस्न सक्ने क्षमत्ताको उक्त रिसोर्टमा सात जनाले रोजगारी पाएका छन् ।
सो रिसोर्ट उपल्लो मुस्ताङको पहिलो हो । ईन्टरनेट, हिटर, तातोपानी लगायत पोखरा, काठमाडौ, चितवनका होटल सरहको सुबिधा उपलब्ध छ । सडक सुबिधाको पहुँच पुगेपछि उपल्लो मुस्ताङको भ्रमणमा जाने आन्तरीक तथा बाह्य पर्यटकको चाप बढ्दै गएको छ ।
माटोको पर्खालले घेरीएको, माटोकै घर, पृथक भुगोल, मनोरम देखिने प्राकृतिक दृष्य, गुफाहरु उपल्लो मुस्ताङको आकर्षण हो । पुर्व राजपरिवार बस्दै आएको लोमान्थाङ दरबार भने भुकम्पले क्षत्ती पु¥याएपछि पुननिर्माणको काम भैरहेको छ ।
ऐतिहाँसीक महत्वको लोमानथाङ दरवार पनि त्यहाँको थप आकर्षण हो । दालोमे गाउँपालीकाका अध्यक्ष राजु बिष्टले पुर्व राजपरिवारले सञ्चालन गरेको रिसोर्टले उपल्लो मुस्ताङको पर्यटन प्रर्वद्धनमा सहयोग पुग्ने बताउनुभयो । उहाँले पर्यटकलाई आवास सुबिधामा सहज हुने बताउनुभयो ।
