18.12¡ÆC
काठमाडौं । नेपालका पूर्व अन्तराष्ट्रिय फुटबल खेलाडी कुमार थापा युरोपेली फुटबल महासंघ यु ई एफ ए को स्नातकोत्तर तहको तालिममा सहभागि हुने भएका छन् ।
नेपाली राष्ट्रिय टोलीका पूर्व कप्तान तथा अहिले नेपाली महिला राष्ट्रिय टोलीका मूख्य प्रशिक्षक समेत रहेका थापाले काठमाडौँमा मंगलबार आयोजित पत्रकार सम्मेलनमा तालिमको उपयोगिताबारे जानकारी गराउनुभएको थियो ।
तालिममा सहभागी २६ जनामध्ये कुमार थापा एक्ला एशियाली माहादेशीय खेलाडी हुन् ।
२ वर्षे तालिममा पूर्व विश्वकप विजेता तथा युरो कप विजेता लगायत अन्य अन्तराष्ट्रिय खेलाडीहरुको सहभागिता रहेको छ ।
पत्रकार सम्मेलनमा कुमार थापाले फुटबलकै कारण यस्तो महत्वपूर्ण तालिममा सहभागिताको मौका पाएको जनाउँदै तालिम सकुशल सम्पन्न गर्न सके यसले नेपाली फुटबल क्षेत्रमा अझ टेवा पुग्ने विश्वास व्यक्त गर्नुभयो ।
तालिम विभिन्न ७ देश स्विटजरल्याण्ड, फ्रान्स, ईङ्गल्याण्ड, स्पेन, जर्मनी, नेदरल्याण्डस् र अमेरिकामा सञ्चालन हुने छन् ।
