नुवाकोटमा एम्बुलेन्स दुर्घटना हुँदा एक जनाको मृत्यु, दुई जना गम्भिर

<p><span style="line-height: 1.42857;">बिदुर ।</span><br></p><p>नुवाकोटको तादी गाउँपालिका वडा नं ४ स्थित सुन्दरादेवीको बाह्रबिसेमा आज विहान एम्बुलेन्स दुर्घटना हुँदा एक जनाको मृत्यु भएको छ ।</p><p>कान्तिपुर डेन्टल जनरल हस्पिटल, नयाँबजार काठमाडौँबाट सञ्चालनमा रहेको बा १६ च ८९७ नं. को एम्बुलेन्स दुर्घटना हुँदा मकवानपुर मनहरीका २४ वर्षिय सन्दीप भारतीको मृत्यु भएको नुवाकोट प्रहरीले जनाएको छ ।&nbsp;</p><p>एम्बुलेन्स सडकबाट करिब ५० मिटर तल पुगेको जिप्रका नुवाकोटका प्रहरी नायब उपरीक्षक मधुकरजंग विष्टले जानकारी दिनुभयो ।</p><p>एम्बुलेन्समा समुन्द्रटारबाट तीनजना चढेर काठमाडौँ जान लागेको भए पनि दुर्घटनापछि बाँकी दुईजना सम्पर्कमा नआएको प्रहरीले जनाएको छ । एम्बुलेन्सका चालक को थिए भन्नेसमेत खुल्न बाँकी छ ।</p><p>दुर्घटनापछि एम्बुलेन्स सञ्चालन गर्ने संस्था कान्तिपुर डेन्टल जनरल हस्पिटललाई जानकारी गराएकाले त्यहाँबाट प्रतिनिधि आएपछि थप जानकारी खुल्ने प्रहरीले जनाएको छ ।</p><p>एम्बुलेन्समा सवार अन्य दुई जना सम्पर्कमा नआएकोले घटना रहस्यमुलक रहेको र अनुसन्धान जारी रहेको विष्टले जानकारी दिनुभयो ।&nbsp;</p>