एमाले, काँग्रेस र माओवादीका मूख्य नेता कहाँबाट चुनाव लड्दैछन्

<p><span style="line-height: 1.42857;">काठमाडौं ।</span><br></p><p>प्रधानमन्त्री समेत रहेका काँग्रेस सभापती शेरबहादुर देउवा सुदूरपश्चिमको डडेल्धुराबाट सदाझै यसपटक पनी सांसदमा उठ्दैछन् ।</p><p><br></p><p>उता प्रतिपक्षि दल बनेको एमालेका अध्यक्ष केपी ओली भने सुदूरपूर्वको झापा ५ बाट चुनावी मैदानमा बाम गठबन्धनको उम्मेद्धार बनेका छन् ।&nbsp;</p><p><br></p><p>०४८ सालदेखि गृहजिल्ला डडेल्धुराबाट चुनाव जित्दै आएपनि देउवालाई यसपटक बाम गठबन्धनको संयुक्त उम्मेद्धार भएका कारण जित्न सजिलो छैन ।</p><p><br></p><p>तर मुलुकको भावी नेतृत्वकर्ताको रुपमा हेरिएका एमाले अध्यक्ष ओलीलाई भने झापा केही सजिलो हुने देखिएको छ । जहाँ उसलाई बाम गठबन्धनको मुख्य दल माओवादी केन्द्रले सहयोग गर्दैछ ।</p><p><br></p><p>दोस्रो संविधानसभाबाट तेस्रो दल भए पनि ‘निर्णायक’ भूमिकामा रहेको माओवादी केन्द्रले एमालेसँग चुनावी तालमेल गरेपछि अध्यक्ष पुष्पकमल दाहालले पुरानै चुनावी क्षेत्र चितवन रोजेका छन् । चितवन ३ बाट दाहाल चुनावी मैदानमा होमिएका छन् ।</p><p><br></p><p>पूर्वप्रधानमन्त्री एवं एमाले वरिष्ठ नेता माधव नेपाल काठमाडौं २ बाट उठेका छन् । जहाँ उनको कडा प्रतिस्पर्धा विवेकशिल साझा पार्टीका प्रवक्ता समेत रहेका सुर्यराज आचार्यसँग हुने देखिएको छ ।</p><p><br></p><p>पूर्वप्रधानमन्त्री एवं एमाले वरिष्ठ नेता झलनाथ खनाल इलाम १ बाट प्रतिस्पर्धामा उत्रेका छन् । तत्कालीन संविधानसभा अध्यक्ष एवं एमाले संसदीय दलका उपनेता सुवास नेम्वाङ भने इलाम २ बाट चुनावी मैदानमा छन् । दुवैले गत निर्वाचनमा सोही क्षेत्रबाट बाजि मारेका थिए । यसपटक बाम गठबन्धन भएका कारण दुवै नेता सजिलो अवस्थामा देखिएका छन् ।</p><p><br></p><p>कांग्रेस वरिष्ठ नेता रामचन्द्र पौडेल तनहुँ १ बाट उठेका छन् । कांग्रेसकै महामन्त्री शशांक कोइराला नवलपरासी १ बाट चुनाव लड्दै छन् । एमाले उपाध्यक्ष वामदेव गौतम बर्दिया १, उपाध्यक्ष भीम रावल अछाम १, महासचिव ईश्वर पोखरेल काठमाडौं ५ बाट उम्मेदवार बनेका छन् ।</p><p><br></p><p>कांग्रेस नेता कृष्णप्रसाद सिटौला झापा ३ बाट मैदानमा उत्रेका छन् । युवा नेता गगन थापा काठमाडौं ४ र विश्वप्रकाश शर्मा झापा १ बाट चुनाव लड्ने भएका छन् । कांग्रेसका थापासँग एमालेका युवा नेता डा. राजन भट्टराई र शर्मासँग माओवादी केन्द्रका राम कार्की प्रतिस्पर्धामा छन् । सिटौलाको क्षेत्र सुरुमा राप्रपाका राजेन्द्र लिङदेनलाई छाड्ने भनिए पनि आफैँले उठ्न अडान लिएपछि सिटौला र लिङदेनबीच त्यस क्षेत्रमा प्रतिस्पर्धा हुने भएको छ । लिङदेनलाई वाम गठबन्धनको पनि समर्थन छ । यस आधारमा सिटौलालाई यो निर्वाचन जित्न फलामको चिउरा चपाए सरह हुने देखिएको छ ।</p><p><br></p><p>प्रधानमन्त्रीपत्नी डा.आरजु राणा कैलाली ५ बाट चुनाव लड्दै छिन् । सँधै समानुपातिक सांसदमा बस्दै आएकी राणालाई कैलालीमा उठाउने निर्णय देउवाले सजिलो ठाउँ छान्दै काँग्रेसको बढी प्रभाव रहेको क्षेत्रको आधारमा सो ठाउँ छुट्याएको बताइन्छ ।</p><p><br></p><p>कांग्रेसका विमलेन्द्र निधि धनुषा ३ बाट उम्मेदवार बनेका छन् । कांग्रेस कोषाध्यक्ष सीतादेवी यादव, केन्द्रीय सदस्य बालकृष्ण खाँण, पद्मनारायण चौधरी, सुजाता कोइराला, चित्रलेखा यादवलगायत नेता भने चुनावमा नगई समानुपातिकमा सजिलै सांसद बन्न सजिलो बाटोमा लागेका छन् ।</p><p><br></p><p>माओवादी केन्द्रका नेता कृष्णबहादुर महरा दाङ २ बाट चुनावमा उठेका छन् । एमालेका शंकर पोखरेल प्रदेशसभामा उठ्ने भएपछि महरा वाम गठबन्धनबाट उम्मेदवार बनेका हुन् । माओवादी उपाध्यक्ष नारायणकाजी श्रेष्ठ, वर्षमान पुनलगायत नेता पहिलो चरणको निर्वाचनमै उम्मेदवार बनिसकेका छन् । चितवन २ मा माओवादी केन्द्रका नेता रामबहादुर थापाले दाबी गरे पनि उक्त क्षेत्रमा गठबन्धनका तर्फबाट एमालेका कृष्णभक्त पोखरेल उम्मेदवार बनेका छन् ।</p><p><br></p><p>काठमाडौं १० मा माओवादी केन्द्रले हितमान शाक्यलाई उम्मेदवार बनाउने भएको छ । नेमकिपाका अध्यक्ष नारायणमान बिजुक्छे भक्तपुर १ बाट चुनावी मैदानमा छन् ।</p><p><br></p><p><br></p><p><br></p><p>शीर्ष नेता को कहाँ ?</p><p>एमाले</p><p>केपी ओली झापा ५</p><p>माधव नेपाल काठमाडौं २</p><p>झलनाथ खनाल इलाम १</p><p>वामदेव गौतम बर्दिया १</p><p>भीम रावल अछाम १</p><p>सुवास नेम्वाङ इलाम २</p><p>ईश्वर पोखरेल काठमाडौं ५</p><p>विष्णु पौडेल रुपन्देही</p><p>सुरेन्द्र पाण्डे चितवन १</p><p>कांग्रेस</p><p>शेरबहादुर देउवा डडेल्धुरा</p><p>रामचन्द्र पौडेल तनहुँ १</p><p>विमलेन्द्र निधि धनुषा ३</p><p>प्रकाशमान सिंह काठमाडौं १</p><p>कृष्णप्रसाद सिटौला झापा ३</p><p>शशांक कोइराला नवलपरासी १</p><p>गगन थापा काठमाडौं ४</p><p>रमेश लेखक कञ्चनपुर ३</p><p>एनपी साउद कञ्चनपुर २</p><p>माओवादी केन्द्र</p><p>पुष्पकमल दाहाल चितवन ३</p><p>कृष्णबहादुर महरा दाङ २</p><p>गिरिराजमणि पोखरेल महोत्तरी १</p><p>राम कार्की झापा १</p><p><br></p><p>काठमाडौंमा वाम गठबन्धनका उम्मेदवार</p><p>१ अनिल शर्मा (माओवादी केन्द्र)</p><p>२ माधव नेपाल (एमाले)</p><p>३ कृष्ण राई (एमाले)</p><p>४ डा. राजन भट्टराई (एमाले)</p><p>५ ईश्वर पोखरेल (एमाले)</p><p>६ झक्कु सुवेदी (माओवादी)</p><p>७ रामवीर मानन्धर (एमाले)</p><p>८ उमेश स्थापित (माओवादी)</p><p>९ कृष्णगोपाल श्रेष्ठ (एमाले)</p><p>१० हितमान शाक्य (माओवादी)</p>