निगम प्रमुख खड्काले मनोमानी अनुमति दिएको भन्दै ट्यांकर व्यवसायीद्वारा इन्धन ढुवानी ठप्प पार्ने चेताव

<p><span style="line-height: 1.42857;">१२ कात्तिक, काठमाडौं ।</span><br></p><p>नेपाल आयल निगमका विवादास्पद कार्यकारी निर्देशक गोपालबहादुर खड्काले मनोमानीगरि नयाँ ट्यांकर सञ्चालनको अनुमति दिएको आरोप लगाउँदै व्यवसायीले पेट्रोलियम ढुवानी ठप्प पार्ने चेतावनी दिएका छन् ।</p><p><br></p><p>नेपाल पेट्रोलियम ढुवानी व्यवसायी महासंघले आइतबार आपूर्ति मन्त्रालय र निगमलाई मागपत्र पेश गर्दै निर्णय खारेज नभए १५ मंसिरदेखि ढुवानी ठप्प पार्ने बताएका हुन् ।</p><p><br></p><p>निगमले ८ पुस ०७३ मा नयाँ पेट्रोलियम ढुवानी नियमावली जारी गरेको थियो । जेठ ०७४ सम्ममा करिब दुई सय वटा नयाँ ट्यांकरले अनुमति दिएको सूचना आफूहरुलाई प्राप्त भएको महासंघका कार्यवाहक अध्यक्ष गुणराज निरौलाले बताए । निगमबाट स्वीकृति पाएर कतिपय ट्यांकर सञ्चालनमा समेत रहेको महासंघको दाबी छ ।</p><p><br></p><p>खारेज गरिएका ट्यांकरसमेत सञ्चालनमा आएकाले तिनको तथा नयाँ स्वीकृति पनि खारेज गरिनुपर्ने महासंघको माग छ ।</p><p><br></p><p>हाल नेपालमा १८ सय ट्यांकरमार्फत् इन्धन ढुवानी हुँदै आएको छ ।</p><p><br></p><p>यसअघि सोही विषयलाई लिएर अख्तियारमा पनि उजुरी परेको थियो । आयोगले नियमावली बनाएर कानुनसम्मत अनुमति दिन निगमलाई निर्देशन दिएको थियो ।</p><p><br></p><p>नयाँ ट्यांकरको सञ्चालन अनुमति दिँदा सार्वजनिक सूचना जारी गरेर आवश्यकताका आधारमा मात्र स्वीकृति दिन अख्तियारले निगमलाई निर्देशन दिएको थियो ।</p><p><br></p><p>निगम आफैंले बनाएको नियमावली कुल्चेर अनुमति दिएको आरोप महासंघको छ ।</p>