एमालेका ४३ उम्मेद्धार, पूर्व एआइजि नवराज सिलवालदेखी लालबाबु पण्डितसम्म (नामावली)

<p><span style="line-height: 1.42857;">काठमाडौं ।</span><br></p><p>माओवादीकेन्द्रसँग सिट बाँडफाँटको टुंगो लागिसक्नै लाग्दा एमालेले आफ्ना अधिकाशं उम्मेद्धारपनि टुंगो लगाएको छ ।</p><p><br></p><p>केही क्षेत्रमा बागी उम्मेद्धारदेखी दोस्रो चरणको निर्वाचन हुने क्षेत्रमा केही विवाद बाहेक एमालेले पछिल्लो समय चर्चामा रहेका पूर्व एआइजि नवराज सिलवाल देखी लालबाबु पण्डित सम्मलाई उम्मेद्धारको सिट बाँडफाँड गरेको छ ।</p><p><br></p><p>पार्टीका पदाधिकारीमध्ये उपाध्यक्ष युवराज ज्ञवाली, अष्टलक्ष्मी शाक्य र उपमहासचिव घनश्याम भुसालको निर्वाचन क्षेत्र तय हुन बाँकी छ ।</p><p><br></p><p>एमालेले सिट बाँडफाँड टुंगिएपछि सबैभन्दा पहिले समानुपातिकको बन्द सूचीमा हेरफेर गरेर उम्मेदवारको टुंगो लगाउने भएको छ । बन्द सूचीमा हेरफेर गरेर उम्मेदवारको अन्तिम सुची आजै निर्वाचन आयोगमा बुझाउनुपर्नेछ ।</p><p><br></p><p>समानुपातिक उम्मेदवारको टुंगो लगाउने क्रममै सर्वसम्मत भएर आएका क्षेत्रमा प्रत्यक्ष उम्मेदवारको पनि टुंगो लगाइने एमाले सचिव गोकर्ण विष्टले बताए । प्रतिनिधिसभाका धेरैजसो क्षेत्रमा उम्मेदवारको अनौपचारिक टुंगो लागिसकेको उनले बताए ।</p><p><br></p><p>ललितपुर १ मा एमालेबाट पूर्वडीआइजी नवराज सिलवाल र २ मा कृष्णलाल महर्जनले टिकट पाउने भएका छन् । चितवन १ मा सुरेन्द्र पाण्डे र २ मा कृष्णभक्त पोखरेल उम्मेदवार बन्ने भएका छन् । सिन्धुली १,मकवानपुर दुवै क्षेत्र र काठमाडौंका १ र ९ को बारेमा छलफल चलिरहेको छ ।</p><p><br></p><p>एमाले स्रोतका अनुसार दोस्रो चरणमा चुनाव हुने निर्वाचन क्षेत्रमध्ये इलाममा झलनाथ खनाल र सुवास नेम्वाङ उम्मेदवार बन्नेछन् । त्यस्तै झापा ४ मा एलपी साँवा र ५ मा केपी शर्मा ओलीको निर्णय हुनेछ । अन्य क्षेत्रमा छलफल चलिरहेको छ ।</p><p><br></p><p>मोरङ २ मा ऋषिकेश पोखरेल, ३ मा भानभक्त ढकाल र ६ मा लालबाबु पण्डित उम्मेदवार बन्नेछन् । अन्य क्षेत्रमा माओवादीसँगको बाँडफाँडका आधारमा उम्मेदवार तय हुने जिल्ला अध्यक्ष बिनोद ढकालले बताए ।</p><p><br></p><p>धनकुटामा राजेन्द्र राई उम्मेदवार बन्ने भएका छन् भने उदयपुर १ मा मन्जु चौधरी र २ मा जगन्नाथ खतिवडा उम्मेदवार बन्नेछन् ।</p><p><br></p><p>सुनसरीका उम्मेदवारको सन्दर्भमा पार्टीभित्र छलफल शुरु नभएको एक नेताले बताए । प्रदेश नम्बर २ मा पनि उम्मेदवारको बारेमा छलफल शुरु नभएको केन्द्रीय सदस्य रघुवीर महासेठले बताए । कांग्रेस र मधेसवादी दलको तालमेल हेरेर उम्मेदवार तय हुने उनले बताए ।</p><p><br></p><p>प्रदेश ३ को सन्दर्भमा एमालेले काभ्रे २ मा गोकुल बास्कोटा र भक्तपुर २ मा महेश बस्नेतको नाम तय गरिसकेको छ । त्यस्तै काठमाडौं २ मा माधव नेपाल, ३ मा कृष्ण राई, ४ मा राजन भट्टराई, ५ मा ईश्वर पोखरेल र ७ मा रामवीर मानन्धरको निर्णय हुनमात्र बाँकी छ ।</p><p><br></p><p><br></p><p>प्रदेश ४ अन्तर्गत तनहु १ मा किसानकुमार श्रेष्ठ र २ मा केदार सिग्देल उम्मेदवार बन्ने भएका छन् । त्यस्तै कास्की १ मा खगराज अधिकारी र २ मा रविन्द्र अधिकारी उम् बन्नेछन् ।</p><p><br></p><p>स्याङजा २ मा पद्मा अर्यालको सन्दर्भमा सहमति भइसकेको छ । नवलपपुर २ मा पार्टी अध्यक्ष तिलक महत उम्मेदवार बन्नेछन् ।</p><p><br></p><p>प्रदेश ५ को नवलपरासी १ मा हृदयेश त्रिपाठी,रुपन्देही २ मा बिष्णु पौडेलको निर्णय भइसकेको छ । पाल्पा १ मा दलवहादुर राना उम्मेदवार बन्नेछन् भने २ मा ठाकुर गैरेको नाम छलफल अघि बढेको छ ।</p><p><br></p><p>गुल्मी १ मा प्रदीप ज्ञवाली र २ मा गोकर्ण विष्टको निश्चित भइसकेको छ भने दाङ १ मा मेटमणि चौधरी उम्मेदवार बन्नेछन् । कपिलवस्तु २ मा बृजेशकुमार गुप्ता उम्मेदवार बन्ने भएका छन् ।</p><p><br></p><p>त्यस्तै बर्दिया १ मा बामदेव गौतम र बाँके २ मा पशुपतिदयाल मिश्रको निश्चित भइसकेको छ ।</p><p><br></p><p>प्रदेश ६ को सुर्खेत १ मा धु्रवकुमार शाही र २ मा यमलाल कँडेल उम्मेदवार बन्ने भएका छन् । प्रदेश ७ को कैलाली १ मा गरिमा शाह, २ मा झपट रावल र ५ मा नारदमुनी राना उम्मेदवार बन्नेछन् ।</p><p><br></p><p>त्यस्तै डोटीमा प्रेम आले,अछाम १ मा भीम रावलको पनि निर्णय हुने प्रक्रियामा रहेको छ ।</p><p><br></p><p>यि हुन् एमालेले अनौपचारिक टुंगो लगाएका उम्मेदवारहरु</p><p><br></p><p>केपी शर्मा ओली,झापा ५</p><p>माधवकुमार नेपाल,काठमाडौं २</p><p>झलनाथ खनाल, इलाम १</p><p>सुवास नेम्वाङ, इलाम २</p><p>एलपी साँवा, झापा ४</p><p>ऋषिकेश पोखरेल, मोरङ २</p><p>भानुभक्त ढकाल, मोरङ ३</p><p>लालबाबु पण्डित, मोरङ ६</p><p>कृष्णलाल महर्जन, ललितपुर २</p><p>सुरेन्द्र पाण्डे, चितवन १</p><p>कृष्णभक्त पोखरेल, चितवन २</p><p>किसान श्रेष्ठ, तनहुँ १</p><p>राजेन्द्र राई, धनकुटा</p><p>तेजमान कन्दङ्वा, तेह्रथुम</p><p>मन्जु चौधरी, उदयपुर १</p><p>जगन्नाथ खतिवडा, उदयपुपर २</p><p>गोकुल बास्कोटा, काभ्रे २</p><p>महेश बस्नेत, भक्तपुर २</p><p>कृष्ण राई, काठमाडौं ३</p><p>राजन भट्टराई, काठमाडौं ४</p><p>तिलक महत, नवलपुर २</p><p>हृदयेश त्रिपाठी, परासी १</p><p>बिष्णु पौडेल, रुपन्देही २</p><p>बृजेशकुमार गुप्ता, कपिलबस्तु २</p><p>दलबहादुर राना, पाल्पा १</p><p>प्रदीप ज्ञवाली, गुल्मी १</p><p>गोकर्ण विष्ट, गुल्मी २</p><p>मेटमणि चौधरी, दाङ १</p><p>पशुपतिदयाल मिश्र, बाँके २</p><p>बामदेव गौतम, बर्दिया १</p><p>ध्रुवकुमार शाही, सुर्खेत १</p><p>गरिमा शाह, कैलाली १</p><p>झपट रावल, कैलाली २</p><p>नारदमुनि राना, कैलाली ५</p><p>प्रेम आले, डोटी</p><p>भीमबहादुर रावल, अछाम १</p><p>ईश्वर पोखरेल, काठमाडौं ५</p><p>रामवीर मानन्धर, काठमाडौं ६</p><p>नवराज सिलवाल, ललितपुर १</p><p>केदार सिग्देल, तनहुँ २</p><p>खगराज अधिकारी, कास्की १</p><p>रविन्द्र अधिकारी, कास्की २</p><p>पद्मा अर्याल, स्याङ्जा २</p>