19.12¡ÆC
<p>बर्दिया ।
बर्दियाको वढैयाताल गाउँपालिकालाई पर्यटकिय क्षेत्रको रुपमा विशेष विकास गर्ने गरी आर्थिक वर्ष ०७४ र ७५ को पारित बजेट सार्वजनिक गरिएको छ ।</p><p>नेपालको संविधान ०७२ का विभिन्न धाराहरुमा आधारित रही गाउँसभाबाट पारित गरिएको बजेट गाउँपालिकाका अध्यक्ष लालबहादुर श्रेष्ठले सार्वजनिक गरेका हुन् ।</p><p>बढैयाताल गाउँपालिकामा अवस्थित पर्यटकिय क्षेत्रहरुको पूर्वाधार विकास एवं पर्यटन प्रर्वद्धनलाई मुख्य योजना बनाई ७९ करोड १९ लाख रुपैया बजेट पारित भएको अध्यक्ष श्रेष्ठले बताए ।</p><p>सभाले पारित बजेट अन्र्तगत पुँजीगत तर्फ ७४ करोड ३६ लाख ५६ हजार र चालुतर्फ ४ करोड ८२ लाख ४४ हजार रुपैया विनियोजन गरेको हो ।
गाउँपालिका कार्यालयको भौतिक पूर्वाधार निर्माण, आवस्यक सवारी साधन, हेवी ईक्युपमेन्ट लगायतका आधारभुत पूर्वाधारका लागि समेत बजेट पास गरेको छ ।</p><p>गाउँपालिका अन्र्तगतका सडक पूर्वाधार, खानेपानी, स्वास्थ्य, शिक्षा, कृषि, ढल, विद्युत लगायतका आवस्यक पूर्वाधार निर्माणमा महत्व दिई रकम विनियोजन गरेका छौं । बढैयाताल गाँउपालिका अध्यक्ष श्रेष्ठले बताउनु भयो ।</p><p>सभाले गाउँपालिकाको निति तथा कार्यक्रम समेत पारित गर्दै कृषि क्षेत्रको बृहत्तर विकासका लागि विभिन्न कृषि उपजका पकेट क्षेत्रहरु वनाउने कार्यक्रम सार्वजनिक गरिएको छ ।</p><p>गाउँपालिकाले भिलेज प्रोफाईल वनाउँदै गाउँपालिकामा अवस्थित जिल्लाकै महत्वपूर्ण सीमसार क्षेत्र बढैयाताल लगायतका पर्यटकिय स्थलहरुलाई पर्यापर्यटनसँग जोड्दै पर्यटकिय गन्तव्यको रुपमा विकास गर्ने निति पारित भएको अध्यक्षको भनाई छ ।
</p>
