अन्तर क्लब भारोत्तोलनका लागि नेपाली टोली कोरिया प्रस्थान

<p><span style="line-height: 1.42857;">काठमाडौं ।</span><br></p><p>एसिया कप तथा अन्तर क्लब भारोत्तोलन च्याम्पियनसीपमा सहभागी हुन ४ खेलाडीसहित ७ सदस्यीय नेपाली टोली मंगलबार दक्षिण कोरियाको योङगु प्रस्थान गरेको छ ।&nbsp;</p><p><br></p><p>अक्टोबर २८ देखि नोभेम्बर २ तारिखसम्म सञ्चालन हुने प्रतियोगितामा नेपालबाट २ जना महिला र २ जना पुरुष खेलाडी सहभागी हुनेछन् ।</p><p><br></p><p>प्रतियोगिता अगाडि नेपाली खेलाडीहरु कोरियामा ४ दिनको प्रशिक्षणमा सहभागी हुने नेपाल भारोत्तोलन संघले जनाएको छ ।</p><p><br></p><p>पुरुषमा दक्षिण एसियाली खेलकुद 'साग' अन्तर्गत भोरोत्तोलनका एक मात्र नेपाली स्वर्ण विजेता खेलाडी कमलबहादुर अधिकारीले ७७ केजी तथा प्रकाश केसीले ६९ केजी तौलसमूहमा प्रतिस्पर्धा गर्नेछन् ।&nbsp;</p><p><br></p><p>महिलाको ५३ केजीमा सन्जु चौधरी तथा ५८ केजीमा कमला श्रेष्ठले आ–आफ्नो क्षमता प्रदर्शन गर्नेछन् ।&nbsp;</p><p><br></p><p>प्रकाश केसी बाहेक बाँकि सबै खेलाडीहरुले राष्ट्रिय कीर्तिमान राखेका छन् ।</p><p><br></p><p>टोलीलाई राष्ट्रिय खेलकुद परिषद्का सदस्य–सचिव केशवकुमार विष्टले सातदोबाटोमा मंगलबार एक कार्यक्रमबीच बिदाइ गर्नुभएको थियो ।</p>