एमाले माओवादी मिलेपछि काँग्रेसले साना दल बटुल्न थाल्यो

<p><span style="line-height: 1.42857;">काठमाडौं ।</span><br></p><p>नेपाली काँग्रेसले लोकतान्त्रिक विचार राख्ने सबै दललाई बृहत् लोकतान्त्रिक मोर्चामा एकताबद्ध हुन आह्वान गरेको छ ।</p><p><br></p><p>काँग्रेस केन्द्रीय कार्यसम्पादन समितिको आज प्रधानमन्त्री निवास बालुवाटारमा बसेको बैठकले शान्ति प्रक्रियालाई निष्कर्षमा पुर्याई संविधान कार्यान्वयन गर्नुपर्ने समयमा लोकतान्त्रिक र वाम ध्रुवीकरण ठीक नभए पनि साम्यवादी दलहरू त्यसतर्फ लागेकाले लोकतान्त्रिक विचार राख्ने दलका बीचमा एकताको विकल्प नरहेको निष्कर्ष निकालेको हो ।&nbsp;</p><p><br></p><p>प्रधानमन्त्री एवं पार्टी सभापति शेरबहादुर देउवाको सभापतित्वमा बसेको बैठकमा वरिष्ठ नेता रामचन्द्र पौडेल, महामन्त्री डा. शशांक कोइराला, कोषाध्यक्ष सीतादेवी यादव लगायत नेताहरुको सहभागिता थियो ।</p><p><br></p><p>दलहरू फुट्नुभन्दा जुट्नु राम्रो भए पनि संविधान कार्यान्वयन नहुञ्जेल लोकतान्त्रिक र साम्यवादी विचार राख्ने दलका बीचमा समन्वय हुनुपर्ने विषयमा केन्द्रीय कार्य सम्पादन समितिमा छलफल भएको नेता अर्जुननरसिंह केसीले बताउनुभयो ।&nbsp;</p><p><br></p><p>हिजो बसेको काँग्रेस कार्य सम्पादन समितिको बैठकले लोकतान्त्रिक मोर्चा गठन गर्ने निर्णय गरेको थियो जसअनुसार बुधबार साँझ नै काँग्रेस, राष्ट्रिय जनता पार्टी, राष्ट्रिय प्रजातन्त्र पार्टी, राष्ट्रिय प्रजातन्त्र पार्टी (प्रजातान्त्रिक), संघीय समाजवादी फोरम नेपाल र नेपाल लोकतान्त्रिक फोरमको बैठकले लोकतान्त्रिक मोर्चामा सहभागी हुने निर्णय गरेको थियो ।</p><p><br></p><p>काँग्रेसको सम्पादन समितिको बैठकमा अरु साना दलसँगको गठबन्धनलाई बलियो बनाउन कुन मोडालिटीमा अघि बढ्ने भन्ने बारेमा छलफल भइरहेको समिति सदस्य एवं काँग्रेसका नेता दिलेन्द्र प्रसाद बडुले जानकारी दिनुभयो ।</p><p><br></p><p>साना दलहरुसँग सहकार्य गरी आगामी निर्वाचनमा जाने भन्ने बारेमा टुंगो लागिसके पनि कसरी अघि बढ्ने भन्ने सम्बन्धमा अन्तिम निर्णय नभएकाले विभिन्न प्रस्तावमाथि छलफल भइरहेको नेता बडुले जानकारी दिनुभयो ।</p><p><br></p><p>कार्यसम्पादन समितिको बैठकमा आगामी मंसीर १० र २१ गते हुने प्रतिनिधि सभा र प्रदेश सभाको निर्वाचनको लागि घोषणा पत्र तयारीका सम्बन्धमा पनि छलफल भइरहेको छ ।</p><p><br></p><p>वाम एकताले राजनीतिक धु्रवीकरण बढाएपछि पछिल्लो राजनीतिक अवस्था बारेमा छलफल गरी निर्णयमा पुग्न नेपाली काँग्रेसले भोलि नै केन्द्रिय कार्यसमितिको बैठक पनि बोलाएको छ ।</p><p><br></p><p>काँग्रेस केन्द्रिय कार्यसमितिको बैठक भोलि बिहान ८ बजे प्रधानमन्त्री निवास बालुवाटारमा बोलाइएको छ ।&nbsp;</p>