कागवेनी–मुक्तिनाथ सडक खण्डको कालोपत्रे सम्पन

<p><span style="line-height: 1.42857;">मुस्ताङ ।</span><br></p><p>हिमालपारीको जिल्ला मुस्ताङको कागबेनीदेखि मुक्तिनाथसम्मको सडक कालोपत्रे गरिएको छ।&nbsp;</p><p>मुस्ताङ जिल्लामा सञ्चालित ग्रामीण पुर्ननिर्माण तथा पुनःस्थापना आयोजनाको सहयोगमा पहिलोपटक सडक कालोपत्रे भएको हो ।&nbsp;</p><p>२ वर्ष अघिदेखि सुरु भएको कालोपत्रेको काम दशै अगाडि सम्पन्न भएको हो। १२ किलोमिटर लामो सडक कालोपत्रे गरिएसँगै प्रसिद्ध धार्मिक एवम् पर्यटकीय स्थल मुक्तिनाथ जाने यात्रुका लागि सहज हुने भएको छ।&nbsp;</p><p>जिल्लामा झण्डै २५० किलोमिटर सडक सञ्जाल भएपनि हालसम्म कुनै पनि सडक खण्डमा कालोपत्रे भएको छैन ।&nbsp;</p><p>कालोपत्रेका लागि २ महिनादेखि रोकिएको यातायात सुविधा काम सकिएसँगै नियमित सञ्चालनमा आएको मुस्ताङका जिल्ला इञ्जिनियर रविन्द्र तिवारीले जानकारी दिए।&nbsp;</p><p>साँघुरो सडक, मौसमको प्रतिकुलता र उच्च भेगमा भएका कारण कामलाई तदारुकताका साथ अघि बढाउन नसकिए पनि दुई वर्षको अन्तरालमा २० करोडको लागतमा कालोपत्रे गरिएको तिवारीले जानकारीले दिए। जिल्ला समन्वय समिति र डोलिडारको संयुक्त लगानीमा कालोपत्रे भएको सडकलाई सदरमुकाम जोमसोमसम्म नै कालोपत्रे गर्ने तयारी सुरु भएको छ।&nbsp;</p><p>जिल्लाको सदरमुकाम जोडने वेनी जोमसोम सडक खण्डसमेत हालसम्म कालोपत्र भएको छैन । सडक खण्ड कालोपत्रे नहुँदा सडक मार्ग हँुदै मुक्तिनाथ जाने तीर्थयात्रुले झन्झट बेहोर्दै आएका छन् ।&nbsp;</p>