दुई जिब्रे देउवा ! न्यूयोर्क पुगेर भने-‘नेपालको संविधान विश्वमै अनुपम’

<p><span style="line-height: 1.42857;">न्यूयोर्क ।</span><br></p><p>भारत भ्रमणमा गएर समावेशिताका लागि जसरी पनि संविधान संशोधन गर्ने राजनीतिक अभिव्यक्ति दिएका प्रधानमन्त्री शेरबहादुर देउवाले न्यूयोर्क पुगेर भने नेपालको संविधान विश्वमै अनुपम भएको बताएका छन् ।</p><p><br></p><p>संविधान रक्षक भएर भारत पुगेर बिरोध गरेका देउवाले दुई हप्तामै आफ्नै बोलिलाई आफैंले काट्दै नेपालको संविधान जनताका मौलिक हक र समावेशिताका लागि विश्वमै उत्कृष्ट भएको बताएका हुन् ।</p><p><br></p><p>संविधान दिवसका अवसरमा संयुक्त राष्ट्र संघका लागि नेपालको स्थायी नियोगले शुक्रबार संयुक्त राष्ट्र संघ मुख्यालयमा गरेको स्वागत समारोहलाई सम्बोधन गर्दै प्रधानमन्त्रीले संविधान जारी भएपछि जनताले पाएका सबै प्रकारका अधिकार कसैले खोस्न नसक्ने बताए ।</p><p><br></p><p>उनले सबैको सहभागितामा स्थानीय तहको निर्वाचन शान्तिपूर्ण र सफल रुपमा सम्पन्न भएको बताउँदै यसै वर्ष संविधानअनुसार प्रतिनिधि सभा र प्रदेश सभा निर्वाचन हुन लागेको जानकारी गराए ।</p><p><br></p><p>समारोहमा भुटानका प्रधानमन्त्री छिरिङ तोब्गेलगायत राष्ट्र संघ र विभिन्न देशका उच्च अधिकारी सहभागी थिए ।</p><p>उपप्रधानमन्त्री कृष्णबहादुर महरा, महिला, बालबालिका तथा समाजकल्याणमन्त्री आशा कोइराला कार्यक्रममा सहभागी थिए ।</p><p><br></p><p>यसैबीच, प्रधानमन्त्री देउवा र भुटानका प्रधानमन्त्री छिरिङ तोब्गेबीच आजै भएको भेटवार्तामा आपसी हित र सम्बन्धका बारेमा कुराकानी भएको प्रधानमन्त्रीका परराष्ट्र सल्लाहकार डा. भट्टराईले जानकारी दिए ।</p><p><br></p><p>प्रधानमन्त्री देउवा र इस्टोनियाका राष्ट्रपति केस्र्टी काल्जुलेइडबीच भएको भेटवार्तामा सार्वजनिक सेवा प्रवाहमा इ–गभर्नेन्सले पुर्याउने सहयोग तथा सहयोग आदानप्रदान, जलवायु परिवर्तनका प्रकोपबाट जुध्ने, राष्ट्र संघजस्ता साझा मञ्चमा मिलेर अघि बढ्ने लगायत विषयमा पनि छलफल भएको परराष्ट्र सचिव शंकरदास बैरागीले जानकारी दिए ।</p>