नेपाल आईडल उपाधि जितेका बुद्ध लामालाई मनोज गजुरेलको पत्र

<p>प्रिय बुद्ध भाइ,</p><p>प्रथम नेपाल आईडल बन्न सफल हुनु भएकोमा हार्दिक बधाई तथा धेरै शुभ कामना ।</p><p>हुन त 'नेपाल आईडल' एउटा गायन प्रतियोगिता हो । तर 'आईडल'को बृहत अर्थ प्रतीमा हुन्छ । यस अर्थमा नेपाल आईडल सिंगै नेपालको प्रतिमाप्रतिनिधि हुन सक्नुपर्छ । नेपाल आईडल कार्यक्रममा जनताको चासो, उत्साह र सहभागिता देख्दा थाहा हुन्छ, जनताले तपाईंमा समग्र नेपालको प्रतीक खोजि रहेका थिए, जो तपाईं बन्नु भएको छ । पुन: बधाई&nbsp;</p><p>भाइ बुद्ध, कार्यक्रमका आयोजक, प्रायोजक, सञ्चालकको आआफ्नै ब्यवसायीक स्वार्थ हुन्छ । तर, तपाईंले त्यो भन्दा माथी उठ्नु पर्छ ल ? ब्यवासायीकता संगै र सामाजिक आईडल पनि बन्नुपर्छ ल ?</p><p>फ्यानहरुको अपेक्षा हुन्छ, आफ्ना मनपर्ने कलाकारहरु पर्दामा जस्तो देखिन्छन् पर्दा बाहिरपनि त्यस्तै होउन् । त्यसैले हाम्रो रिल लाईफ र रीयल लाईफ एउटै बनाउने प्रयास गर्नुपर्छ है ।</p><p>बुद्ध, त्यसका लागि गायनसंगै तपाईंको सामाजिक संबन्धपनि सुमधुर हुनुपर्छ । आफ्नो समुदाय र शुभ चिन्तकप्रति सधैं कृतज्ञ रहनुपर्छ । जनता चाहान्छ, आफ्नो आईडलले गाउंदा देशको कथा आओस् । बोल्दा देशको ब्यथा प्रतिविम्वित बनोस् । खानपान र जिवनशैलीले नेपालको झल्को देओस् । घमण्ड र दम्भ नरहोस् । नेपाल आइडल नेपालजस्तै सुन्दर, शान्त र समावेसी होओस् ।</p><p>बुद्ध, राजनैतिक बिकृतिले टुटाएको नेपाली मनलाई अब नेपाल आईडलको ब्यवहारले जोड्नुपर्छ । जातमा, क्षेत्रमा, वर्णमा बिभाजित फ्यानहरुलाई एकताको धुनले एक बनाउनु पर्छ । नेपालका भाषा, संस्कृति र परम्पराको सम्मान हुनुपर्छ । मलाई तपाईं समग्र नेपाल र नेपालीको प्रतिमा अर्थात् आईडल बनेको हेर्ने उत्कट ईच्छा छ ।</p><p>अन्त्यमा, निशान, प्रताप, सागर, सुरज लगायत प्रतियोगितामा सहभागी भएका सबैलाई हार्दिक शुभ कामना छ । हार जीतलाई सामान्य प्रकृयाको रुपमा लिने, सबैलाई स्वभावले तपाईंहरु जनताको हृदयको आईडल बनिसक्नु भएको छ । नम्रता, सहजता, सरलता, सकारात्कताको शन्देश सहित् तपाईंपनि दुनियांको आईडल बन्नुहोस्, धेरै धेरै शुभ कामना&nbsp;</p><p><i>लोकप्रिय हांस्य कलाकार मनोज गजुरेलको फेसबुकबाट साभार</i></p><h3><i><a href="https://topnepalnews.comentertainment/10798" target="_blank">बुद्ध लामा बने पहिलो नेपाल आईडल, निशान फस्ट रनरअप, प्रताप सेकेण्ड (भिडियो सहित)</a></i></h3>