मनाङका कृषकले स्याउ टिप्न थाले

<p><span style="line-height: 1.42857;">मनाङ ।</span><br></p><p>स्याउको याम सकिन लाग्दा मनाङका कृषकले स्याउ टिप्न थालेका छन् । यस वर्ष जिल्लामा स्याउ उत्पादन १० प्रतिशतले बढ्ने भएको छ ।</p><p>अनुकूल मौसम, स्याउ खेतीका लागि बगैँचा विस्तार, मलजल र सिँचाइको व्यवस्थाबाट स्याउ उत्पादनमा वृद्धि हुन गएको कृषि विकास कार्यालयका प्राविधिक सहायक यौवनकुमार सुनुवार बताउनुभयो ।</p><p><br></p><p>&nbsp; जिल्लामा गत वर्ष ६६५ मेट्रिक टन स्याउ उत्पादन भएको थियो । उत्पादित स्याउ बिक्रीबाट कृषकले झण्डै &nbsp;एक करोड ८० लाख कमाइ गरेका थिए ।</p><p><br></p><p>&nbsp;यस वर्ष जिल्लामा ८२५ मेट्रिक टन स्याउ उत्पादन हुने अनुमान गरिएको छ । जिल्लाको कूल २०५ हेक्टर क्षेत्रफलमा स्याउको उत्पादन हुन सक्ने मानिए पनि &nbsp;कृषकले ८७ हेक्टर जमिनमा स्याउ लगाएका छन् ।</p><p><br></p><p>&nbsp;जिल्लामा अहिले स्याउको मूल्य प्रतिकिलो रु १०० देखि १५० सम्ममा बिक्री हुने गरेको छ । &nbsp;</p>