उपचारमा राज्य ढुकुटीको डेढ करोड खर्चेका प्रधानमन्त्री भन्छन्-‘उपचार अभावमा कोही मर्नु नपरोस्’

<p>१९ जेठ, काठमाडौं ।<br><br>प्रधानमन्त्री केपी शर्मा ओलीले उपचारका सम्भावना हुँदाहुँदै कसैले पनि उपचार नपाएर मर्नु नपरोस् भन्नेमा सरकार सचेत रहेको बताउनु भएको छ । <br><br>डायलाइसिस उपचार निःशुल्क बनाएकोमा धन्यवाद दिन बालुवाटार पुगेको मिर्गौला पीडितहरुसंगको भेटमा प्रधानमन्त्री ओलीले स्वास्थ्य सेवा सुलभ र सबैको पहुँचभित्र पार्न सरकारले विभिन्न कार्यक्रम ल्याएको बताउनु भयो । &nbsp;<br><br>पीडितको तर्फबाट साहित्यकार दाहाल यज्ञनिधिले आभारपत्र पढेर सुनाउँदै डायलोसिसकै अभावमा ज्यान गुमाउनुपर्ने अवस्था अब पीडितहरुलाई नरहेको बताउनुभएको प्रधानमन्त्रीका प्रेस सल्लाहकार प्रमोद दाहालले जानकारी दिनुभयो ।<br><br>स्मरणीय छ किड्नी खराबी लगायतको गम्भिर रोग लागेर मृत्युको मुखमा पुगेको हल्ला चलेपनि पूर्ववर्ती सुशील कोइराला सरकारबाट १ करोड बढी रकम र पछि समेत उपचारको लागि थप रकम लिएर ओलीले उपचार गरेका थिए ।</p><p>अझैसम्म नियमीत औषधी र उपचार गराइरहेका प्रधानमन्त्री ओलीले थाइल्याण्ड, सिंगापुर, भारत लगायत देशमा उपचार गराएका थिए ।<br><br></p>