इलाममा ५ अर्बको दूध तथा दूग्धजन्य पदार्थको उत्पादन

<p><span style="line-height: 1.42857;">इलाम ।</span><br></p><p>दूध उत्पादनमा अग्रणी जिल्लाका रूपमा रहेको इलाममा गत बर्ष करिव ५ अर्ब बरावरको दूध तथा दूूग्धजन्य पदार्थ उत्पादन भएको छ ।</p><p><br></p><p>अघिल्लो वर्षको तुलनामा गत वर्ष दूध उत्पादन करिव २ प्रतिशतले वृद्धि भई एक लाख २३ हजार ७४० मे।ट। दूध उत्पादन भएको जिल्ला पशुसेवा कार्यालय इलामले जनाएको छ ।</p><p><br></p><p>अघिल्लो आर्थिक वर्ष २०७२/०७३ मा १ लाख २१ हजार ५६२ मेट्रिक टन दूध उत्पादन भएकोमा गत वर्ष २०७३/०७४मा उत्पादन वृद्धि भएको हो ।&nbsp;</p><p><br></p><p>व्यावसायिक गाईपालनमा वृद्धि भएसँगै पाँच वर्षदेखि निरन्तर दूध उत्पादनमा वृद्धि भएको कार्यालयले जनाएको छ ।&nbsp;</p><p><br></p><p>पशुपालन व्यवसायमा किसानको आकर्षण बढ्नु, सरकारी लगानी बढ्दै जानु तथा कृत्रिम गर्भाधानले गाईभैँसीको नश्ल सुधार तथा उन्नत जातका घाँसखेतीले दूध उत्पादनमा वृद्धि भएको हो ।&nbsp;</p><p><br></p><p>इलामबाट दैनिक ३६ हजारदेखि ४० हजार लिटर दूध विराटनगरस्थित दुग्ध वितरण संस्थानमा बिक्री हुँदै आएको कार्यालयका पशुसेवा प्राविधिक डिकबहादुर कार्कीले जानकारी दिनुभयो ।&nbsp;</p><p><br></p><p>त्यस्तै निजी स्तरबाट दैनिक २० हजार लिटर दूध झापा, विराटनगर, इटहरीमा बिक्री हुने गरेको छ । जिल्लाका ५५ हजारभन्दा बढी किसानले व्यावसायिक गाई तथा भैँसीपालन गर्दै आएका छन् ।&nbsp;</p>