चुनावको मिति भदौ १ भित्र घोषणा गर्न निर्वाचन आयोगको माग, एकै चरणमा चुनाव गरौं: देउवा

काठमाडौं । निर्वाचन आयोगले आगामी भदौ १ गतेभित्र प्रादेशिक र संघीय चुनावको मिति घोषणा गर्न सरकारलाई आग्रह गरेको छ । साथै दुबै चुनाव एकै चरणमा गर्ने हो भने विद्युतीय भोटिङ मेसिन प्रयोग गर्नु पर्ने आयोगको माग छ ।<a href="http://www.sipradi.com.np/page/media/enquiry-sheet.html" target="_blank" class="desktoponly" style="color: rgb(41, 100, 160); font-family: "Ek Mukta", serif; display: block; font-size: 16.368px; background-color: rgb(255, 255, 255);"></a>आयोगका पदाधिकारीहरुले सोमबार प्रधानमन्त्री शेरबहादुर देउवालाई भेटेर भदौ १ गते चुनावको मिति घोषणा गर्न आग्रह गरेका छन् । साथै चुनावका लागि आवश्यक ऐन कानुन पारित गर्न र निर्वाचन क्षेत्र निर्धारण आयोगको प्रतिवेदन छिट्टै आउने वातावरण बनाउन आग्रह गरे ।निर्वाचन आयुक्त नरेन्द्र दाहालले  भने, ‘चुनावको मिति जतिसक्दो चाँडो घोषणा होस् भन्ने हाम्रो माग हो । आज त हामीले भदौ १ मै घोषणा होस् भनेका छौं ।’मंसिर पहिलो साता र ढिलामा दोस्रो साताभित्र दुबै निर्वाचन गरिसक्नु पर्ने निर्वाचन आयोगको जोड छ ।जवाफमा प्रधानमन्त्री देउवाले चुनावका लागि आवश्यक ऐन कानुन र प्रतिवेदन छिट्टै पाउने बताएका छन् । ‘आयोगले प्रतिवेदन तोकिएकै टाइममा बुझाउँछ, तपाईहरुले पाइहाल्नुहुन्छ,’ देउवाले भनेका छन्, ‘ऐन कानुन पनि संसदमा गइसकेको छ । छिट्टै पास हुन्छ ।’उनले संसद र प्रदेशको दुबै चुनाव एकै चरणमा गर्न प्रस्ताव गरे । समय पनि भएको र एकै चरणमा गर्दा खर्च पनि कम हुने उनको तर्क छ । साथै देउवाले ऐन कानुन र प्रतिवेदन तयार हुनासाथ चुनावको मिति तोक्ने आश्वासन दिएका छन् ।निर्वाचन आयोगले यसअघि असोज ३० मा प्रदेश र मंसिर पहिलो साता संघीय चुनाव गर्ने कार्ययोजना बुझाएको थियो । त्यसका लागि असारभित्र ऐन कानुन र साउन १५ भित्र निर्वाचन क्षेत्र निर्धारण आयोगको प्रतिवेदन पाउनु पर्ने आयोगको माग थियो ।आयोगले अहिलेसम्म न ऐन कानुन पाएको छ, न प्रतिवेदन । प्रदेश र संघको निर्वाचनसम्वन्धी विधेयक संसदीय समितिमा छ भने क्षेत्र निर्धारण आयोगले अहिले काम गरिरहेको छ । आयोगले साउन मसान्त अगाडि प्रतिवेदन बुझाउने सम्भावना छैन ।अब दुई चरणमा चुनाव गर्ने सम्भावना निकै कम भएको आयोगका पदाधिकारीहरु पनि स्वीकार गर्छन् ।प्रधानमन्त्री देउवासँगै प्रमुख दलहरु पनि प्रदेश र संघको चुनाव एकैपटक गर्ने पक्षमा देखिएका छन् ।भारतको भोटिङ मेसिनमा जोडआयोग पदाधिकारीहरुले भने दुबै चुनाव एकै चरणमा गर्ने हो भने विद्युतीय भोटिङ मेसिन प्रयोग गर्नु पर्ने बताएका छन् । आयोगले विद्युतीय भोटिङ मेसिन प्रयोगबारे पनि छिटो निर्णय गर्न सरकारलाई आग्रह गरेको आयुक्त दाहालले जानकारी दिए ।आयोगले भारतको विद्युतीय भोटिङ मेसिन र बेलायली स्मार्ट भोटिङ मेसिनको विकल्प अघि सारेको छ । केही समयअघि दलका प्रतिनिधिहरुलाई बोलाएर आयोगले नमूना भोटिङ नै गराएको थियो ।तर, आफैंले ग्लोबल टेण्डर गरेर आगामी चुनावमा प्रयोगमा ल्याउन नसक्ने आयोगले बताएको छ ।स्रोतका अनुसार आयोगको जोड भारतमा प्रयोग भइरहेको विद्युतीय भोटिङ मेसिनमा छ । यसका लागि नेपाल र भारत सरकारबीच जिटुजी सम्झौता हुने हो भने आगामी चुनावमा नै पनि विद्युतीय भोटिङ मेसिन प्रयोग गर्न सकिने आयोगको तर्क छ ।भेटमा निर्वाचन आयोगका पदाधिकारीहरु विदेशमा भएकाहरुलाई भोटिङ राइट दिने कि नदिने, राइट टु रिजेक्टको व्यवस्था के गर्ने जस्ता जिज्ञाशा राखेका थिए ।

चुनावको मिति भदौ १ भित्र घोषणा गर्न निर्वाचन आयोगको माग, एकै चरणमा चुनाव गरौं: देउवा

प्रतिक्रिया

सम्बन्धित खवर

ताजा समाचार

दुई दाजुभाइ हत्या गरिएको अवस्थामा शव फेला

पर्यटन व्यवसायी सुमन पाण्डेलाई पाटाको ‘आजीवन सदस्यता’ सम्मान

विदुर नगरपालिकाका सबै वडा “पूर्ण खोप सुनिश्चितता तथा दिगोपना” घोषणा

लिखुमा एकैसाथ १६ विधाका सिपमूलक तालिम सुरु, ५०० भन्दाबढीको सहभागिता

अमेरिकालाई ७ रनले हराउँदै नेपाल ‘ए’ को ‘क्लिन स्वीप’

सम्पर्क

सूचना विभाग दर्ता नं.

साइट नेभिगेशन

हाम्रो टीम

प्रकाशक/ सम्पादक

नेपाल ब्युरो चीफ़

संवाददाता