धादिङको हुग्दीखोला पुलबाट गाडी खस्यो, तीन जना घाइते

<p>धादिङ &nbsp;। &nbsp;धादिङको बेनिघाट रोराङ गाउँपालिका स्थित हुग्दीखोला पुलबाट गाडी खसेको छ ।</p><p>काठमाडौंबाट चितवनतिर जाँदै गरेको ना ६ ख ४७३८ नं को डिब्बा गाडी मंगलबार बिहान खसेको हो । डिब्बा गाडीले ना५त ९१५६ नम्बरको ट्याक्टरलाई ठक्कर दिई हुग्दीखोला पुलबाट खोलामा खसेको प्रहरीले जानकारी दिएको छ ।<br></p><p>गाडी खस्दा ट्रक चालक सिन्धुपाल्चोकका प्रकाश श्रेष्ठ र सहचालक सिन्धुपल्चोककै दिलीप सापकोटा र ट्याक्टरमा सवार धादिङका निरज चेपाङ घाइते भएका छन्। उनीहरुको स्थानीय स्वास्थ्य संस्थामा उपचार भैरहेको जिल्ला प्रहरी कार्यालय धादिङले जनाएको छ।<br></p><p>तीब्र गतिमा रहेको ट्रकले ट्याक्टरलाई ठक्कर दिएर खोलामा खसेको प्रत्यक्षदर्शीले बताएका छन्। करिब १ महिना अघि सोही पुलबाट ट्रक खस्दा ३ जनाले ज्यान गुमाएका थिए।<br></p>