पुनर्निर्माण प्राधिकरणको लागि अर्को बर्षको लागि डेढ खर्व बजेट

<p><span style="line-height: 1.42857;">काठमाडौं ।</span><br></p><p>राष्ट्रिय पुनर्निर्माण प्राधिकरण निर्देशक समितिको बैठकले आगामी आर्थिक वर्षका लागि १ खर्ब ४५ अर्ब ९३ करोड रुपैयाँको बजेट स्वीकृत गर्नुका साथै भावी कार्ययोजना तय गरेको छ ।</p><p><br></p><p>प्राधिकरण निर्देशक समितिका अध्यक्ष एवम् प्रधानमन्त्री शेरबहादुर देउवाको अध्यक्षतामा बसेको बैठकले प्राधिकरणले तयार पारेको बजेट, भावी कार्ययोजना र आवश्यक संगठनात्मक संरचनासहितको प्रस्ताव स्वीकृत गरेको हो ।&nbsp;</p><p><br></p><p>त्यसक्रममा प्रधानमन्त्री देउवाले पुनर्निर्माणलाई तीव्रताका साथ अघि बढाउन निर्देशन दिनुभयो ।</p><p><br></p><p>बैठकपछि सञ्चारकर्मीहरुसँग कुरा गर्दै प्राधिकरणका प्रमुख कार्यकारी अधिकृत डा. गोविन्दराज पोखरेलले पुनर्निर्माणले गति लिएको र आगामी आर्थिक वर्षमा निजी आवास, सम्पदा, शैक्षिक तथा स्वास्थ्य संस्थाहरुको पुनर्निर्माणले थप तीव्रता पाउने बताउनुभयो । &nbsp;</p><p><br></p><p>करिब ४० हजार बढी भूकम्प प्रतिरोधी घर पुनर्निर्माण सम्पन्न भएको र १ लाख १० हजार बढी घर निर्माणका क्रममा रहेकाले आगामी आर्थिक वर्षमा निजी आवास पुनर्निर्माणमा उल्लेख्य प्रगति हुने विश्वास लिइएको पोखरेलले जानकारी दिनुभयो ।&nbsp;</p>