काँग्रेस–एमालेबीच पहिलो पार्टी बन्न लडाईं : शिर्ष नेता कहाँ कसरी भोग माग्दै छन् ?

<p>काठमाडौं&nbsp;।&nbsp;दोस्रो चरणको चुनावमा आफ्नो पार्टीको अग्रता दिलाउन अहिले काँग्रेस सभापति शेरबहादुर देउवा र एमाले अध्यक्ष केपी ओलीले चुनावी अभियानलाई त्रीव पारेका छन् ।</p><p>संसदको ठूलो पार्टी भएपनि पहिलो चरणको स्थानीय तहमा एमालेपछि दोस्रो वरियतामा आएको काँग्रेसले दोस्रो चरणको चुनावमा आफ्नो ‘कम व्याक’ हुने विश्वास र दावी गरेको छ । एमाले चाहीँ पहिलो चरणको चुनावमा जस्तै दोस्रोमा पनि अगाडि भएर स्थानीय तहमा पहिलो शक्ति बन्ने दाउमा छ ।<br></p><p>संसद र पहिलो चरणको स्थानीय तहमा तेस्रो शक्तिका रुपमा रहेको माओवादीले दोस्रो चरणको चुनावबाट पनि तेस्रोकै अपेक्षा गरेको छ । तर, पहिलोमा भन्दा बढी नतिजा ल्याउने उसको चाहना छ । यसैका लागि माअ‍ोवादी केन्द्र सत्तारुढ काँग्रेसदेखि अन्य पार्टीहरुसम्म ठाँउ ठाँउमा गठबन्धन बनाएर चुनावी मैदानमा उत्रेको छ ।</p><p>&nbsp;पहिलो चरणको चुनावमा अनपेक्षित नतिजाको सामना गरेको संसदको चौथो शक्ति राप्रपाले पनि दोस्रो चरणको चुनावबाट सुधारको अपेक्षा गरेको छ । मधेशमा स्वतन्त्र उम्मेदवारी दिएर राजपाले पनि स्थानीय निकायमा आफ्नो कब्जा जमाउने कोशिष गरेको छ । रोल्पा लगायतका केही जिल्लामा स्वतन्त्र उम्मेदवारी दिएर विप्लवले पनि आफ्नो पार्टीका प्रतिनीधिलाई स्थानीय सरकारमा पठाउन चाहेका छन् ।</p><p>मुलत लडाईं काँगेस र एमालेबीच छ । पहिलो चरणको लागि २ सय ८३ स्थानीय तहमा भएको चुनावमा एमालेले १२५, काँग्रेसले एक सय ४, माअ‍ोवादी केन्द्र ४६ र अन्यले सात स्थानमा जीत निकालेका थिए । भरतपुर महानगरपालिकाको नजिता आउन वाँकी छ, जहाँ मतपत्र च्यातिकएको विषय अहिले सर्वोच्चमा छ ।</p><p>अंकको हिसावले काँग्रेस भन्दा एमाले पहिलो चरणको चुनावमा २१ ठाँउ बढी जितेर पहिलो स्थानमा छ, जुन संसदको ठूलो शक्ति काँग्रेसका लागि चिन्ताको विषय बनेको छ । यस्तो अबस्थामा चुनाव काँग्रेस र एमालेका लागि प्रतिष्ठाको विषय बनेको छ । यहीँ प्रतिष्ठा जोगाउन दलका शीर्ष नेताहरु अहिले जिल्ला–जिल्लामा पुगेका छन् । मतदाता पकाउन सपना पनि बाँडेका छन् । आश्वसन पनि दिएका छन् । अन्य पार्टीका नेताहरु पनि पहिलो स्थानीय तहको चुनावमा भन्दा राम्रो नतिजाका लागि दौडिरहेका छन् ।<br></p><p>असार १४ मा हुने दोस्रो चरणको निर्वाचन प्रसार प्रसार गर्ने समय भोलि अर्थात असार ११ गते राती १२ बजेबाट सकिन्छ । त्यसैले दलका नेताहरुले आज र भोलिलाई अधिकतम उपयोग गर्न खोजेका छन् । प्रमुख दलका शीर्ष नेताहरु आफ्नो पार्टी र पार्टीका उम्मेदवारलाई जिताउनका लागि मत माग्दै दैनिक आधा दर्जन बढी चुनावी कार्यक्रममा सहभागी भैरहेका छन् । अझ रमाइलो त के छ भने काँग्रेस नेताहरु दोस्रो चुनावमा आफ्नो पार्टी ठूलो हुने र एमाले नेताहरु आफ्नो पार्टी ठूलो हुने दावी गरिरहेका छन् ।</p><p>प्रधानमन्त्री शेरबहादुर देउवा सुदुरपश्चिममा काँग्रेसको बर्चश्व राख्न ७ नम्वर प्रदेशमा गएका छन् । जहाँ उनले दैनिक सभा गरेका छन् । प्रधानमन्त्री तथा कग्रेस सभापति एवम देउवाले शुक्रबार ७ नम्बर प्रदेशको कैलाली जिल्लाबाट आफ्नो चनावी अभियान सुरु गरेका थिए । देउवा शुक्रबार कैलालीका दुईवटा चुनावी सभालाई सम्बोधन गर्न भ्याएर कञ्चनपुर पुगेका थिए । आफ्नो प्रदेशमा शानदार जीतसहित काँग्रेसलाई पहिलो बनाउने देउवाको सोच छ ।</p><p>शक्रबार विहान कैलालीको धनगढी क्याम्पस चोक र फुलबारी डिपोबजारमा भएका चनावी सभालाई सम्बोधन गरेका देउवाले दोस्रो चरणको निर्वाचनमा नेपाली कांग्रेस पहिलो पार्टी बन्ने दावी गरका थिए । कैलालीको सभा र कार्यकर्ता भेटघाट सकेर देउवाले शुक्रबार नै कन्चनपुरको महेन्द्रनगरमा भएको चुनावीसभालाई पनि सम्बोधन गरेका थिए । देउवाका पछि–पछि काँग्रेसका रमेश लेखक, डा प्रकाशरण महत, एनपी साउद र प्रदीप पौडेलजस्ता नेता पनि छन् । अर्का नेता गगन थापा वैतडीमा थिए । सवै नेताले भाषणमा काँग्रेस ठूलो पार्टी बन्ने दावी गरेका थिए ।</p><p>धनगढी उपमहानगरपालिकाको फूलबारी र मनहेरामा हिजो छुट्टाछुट्टै रुपमा आयोजित चुनावी सभालाई सम्बोधन गर्दै सभापति देउवाले स्थानीय तहको निर्वाचन संविधान कार्यान्वयनसँग सम्बन्धित भएकाले यो चुनावमा काँग्रेसले जित्नै पर्ने बताएका थिए । प्रधानमन्त्री देउवाको भनाई थियो, ‘प्रजातन्त्र टिकाउन र सुदृढीकरण गर्नका लागि काँग्रेसको विकल्प छैन ।’</p><p>प्रधानमन्त्री देउवा ११ गते आइतबार डोटीको बुडर र गृहजिल्ला डडेलधुराको जोगबुडामा आयोजना हुने चुनावी सभालाई सम्बोधन गर्ने बताइएको छ । प्रधानमन्त्री देउवा ११ देखि १४ गतेसम्म डडेल्धुरा सदरमुकाम अमरगढीमा बस्ने कार्यक्रम छ । १४ गते बुधबार &nbsp;जन्मस्थान रुवाखोला गाउँको मतदना केन्द्र हाल ९गन्यापधुरा गाउँपालिका वडा नम्बर १० असिग्राम माविको मतदना केन्द्रमा भोट हाल्ने कार्यक्रम रहेको उनका सहयोगि भानु देउवाले जनाएका छन् । १४ गते मतदान गरेर मात्रै प्रधानमन्त्री देउवा काठमाडौंँ फर्किने कार्यक्रम छ । देउवाबाहेक काँग्रेसले पार्टीका ३५ केन्द्रीय सदस्यलाई चुनाव हुन लागेका जिल्लामा खटाएको छ ।</p><p><br></p><p>एमाले अध्यक्ष केपी ओली गृह जिल्लामा ४ दिन चुनावी सभा गरेर बिहीबारमात्रै काठमाडौ फर्केका छन् । उनी शनिबार रुपन्देही लगायतका जिल्लामा गएर चुनावी सभालाई सम्बोधन गर्देछन् । ओलीले १० असारमा विराटनगर र इटहरी तथा ११ गते भैरहवा र नवलपरासीको चुनावी सभालाई सम्बोधन गर्ने कार्यक्रम छ । एमालेका अन्य नेता पनि चुनावी अभियानमै जुटेका छन् ।<br></p><p><br></p><p>एमालेका अर्का नेता माधव नेपाल झलनाथ खनाल र महासचिव ईश्वर पोखरेल शुक्रबारै उदयपुर, इलाम र विराटनगर लगायतका स्थानमा भएका चुनावी सभामा सहभागि बनेका थिए । यी सभामा एमाले नेताहरुले पहिलो चरणमा जस्तै दोस्रो चरणमा हुने निर्वाचनमा पनि एमालेले नै बढि स्थानीय तह जित्ने दावी गरे ।<br></p><p>पूर्वसभामुख तथा नेकपा ९एमाले० संसदीय दलका उपनेता सुवासचन्द्र नेम्वाङले अबको निर्वाचनबाट एमाले पहिलो पार्टी बन्ने दाबी गरेका थिए । ‘हामीले महिलालाई राष्ट्रपति बनायौँ, सभामुख बनायौँ, प्रधान न्यायाधीश बनायौँ तर के अरू दलले बनाउन सके रु’ उनले &nbsp;प्रश्न गर्दै इलाम पुगेर भनेका थिए, ‘प्रधानन्यायाधीश जस्तो स्वच्छ छवि भएका मान्छेलाई कारबाही गर्न खोजे तर पछि आफैँ झुक्नुपर्यो ।’<br></p><p>त्यस्तै माओवादी अध्यक्ष तथा पुर्व प्रधानमन्त्री पुष्पकमल दाहाल प्रचण्डले पनि शुक्रबार कैलाली र कञ्चनपुरमा भएका सात भन्दा बढि चुनावी सभालाई सम्बोधन गरेका थिए । शुक्रबारै कैलालीको क्याम्पस रोड र कञ्चनपुरको पुर्नवासमा भएको चूनावी सभालाई सम्बोधन गर्दै अध्यक्ष प्रचण्डले जनताको असली कामदार माओवादी केन्द्र र तिनका नेता भएको भन्दै उनिहरुलाई जिताउन आग्रह गरेका थिए । त्यस अवसरमा उनले माओवादी पार्टी साधु पार्टी भएको भन्दै साधुलाई सम्मान गर्न पनि अपिल गरे ।</p><p>सात नम्बर प्रदेशका विभिन्न स्थानमा भएका चुनावी सभालाई सम्बोधन गर्ने क्रममा देउवा र दाहालले उस्तै उस्तै भाषण गरेका थिए । संविधान कार्यन्वयनदेखि स्थनीय समस्याका बारेमा बोलेका दाहाल र देउवाले दुवैले आ–आफ्ना पार्टीका उम्मेदवारलाई जिताउन मतदातालाई आग्रह गरेका थिए । आफ्ना पार्टीका उम्मेदवारले जिते जनताका समस्या र आवाश्यक्ता पुरा गर्न सहज हुने उनीहरुको दावी थियो ।</p><p>माओवादी केन्द्रका नेता वर्षमान पुनले हिजो दाङमा आफ्नो पार्टी नेतृत्वको सरकारले गरेका लोडसेडिङ अन्त्य, आर्थिक वृद्धिदर, चीन र भारतसँग सन्तुलित सम्बन्ध लगायत कामले माओवादीको पक्षमा जनमत बढ्दै गएको बताएकाथिए । निर्वाचनमा आउँदासम्म माओवादी पुरानै अवस्थामा फर्कने स्थिति बढेको बताएका थिए । ‘“पहिलो चरणको स्थानीय तह निर्वाचनमा हामीले ४६ वटा ठाउँमा जित्यौँ भने ५२ ठाउँमा दोस्रो भयौँ’, पुनको भनाई थियो, ‘त्यो पनि नराम्रो त होइन तर सोचेभन्दा अलि कम भयो, अहिले दोस्रो चरणको चुनावी उत्साह हेर्दा चाँडै माओवादीको कम्ब्याक ९पुनरागमन० हुने सम्भावना बढेर गएको छ ।’<br></p><p>यस्तै कांग्रेस नेता कृष्ण सिटौला केहि दिनयता गृहजिल्ला झापाको चुनावी सभामा व्यस्त बनेका छन् । उता, नेपाल लोकतान्त्रिक फोरमका अध्यक्ष विजय कुमार गच्छेदार शुक्रबार दिनभर मोरङ सुनसरी लगायतका जिल्लामा व्यस्त रहे । संघीय समाजवादी फोरमका अध्यक्ष उपेन्द्र यादव, नयाँ शक्तिका संयोजक डा।बाबुराम भट्टराई साझा पार्टीका अध्यक्ष रबिन्द्र मिश्र र विवेकशील पार्टीकी रञ्जु दर्शनालाई समेत चुनावी प्रचारका कामले भ्याईनभ्याई भएको छ ।<br></p><p>उता कमल थापाले धर्मको राजनीतिबाट भोट मागेका छन् । हिजो उदयपुरको गाईघाटमा पुगेका थापाले वर्तमान अवस्थामा राप्रपाले नेपालमा सर्वधर्म र लोककल्याणकारी राज्य व्यवस्थापनको नीतिको पक्षमा रहेको र आफूहरूले राज्यको पनि यही नीति होस् भन्ने चाहेको बताएका थिए । उनले यस्तै हिन्दू धर्मलाई सनातन धर्मको मान्यता दिएर अन्य धर्मप्रति सर्वधर्मको नीति लिँदै प्रत्येक नगर र गाउँपालिकामा हिन्दूको मन्दिर, बौद्धधर्मको गुम्बा, इस्लामको मस्जिद र क्रिश्चियनको चर्चको समेत निर्माण गरेर सबै धर्मको संरक्षणमा समेत जोड दिने नीति आफ्नो पार्टीको रहेको बताएका थिए ।<br></p><p>दोस्रो चरणमा असार १४ गते १, ५ र ७ प्रदेशमा स्थानीय तहको चुनाव हुँदैछ । यसपटक ३ सय ३४ स्थानीय तहका लागि झन्डै ६२ हजार उम्मेदवार मैदानमा छन् । १५ हजार ३८ पदका लागि चुनाव हुँदैछ । देशभरका ७ सय ४४ स्तानीय तहमध्धे पहिलो चरणमा प्रदेश नम्वर ३, ४ र ६ का २ सय ८३ तहमा चुनाव पहिलो चरणमा भैसकेको छ । प्रदेश नम्वर २ को भने तेस्रो चरणमा असोज २ गतका लागि चुनावको मिति तोकिएको छ । १४ गतेको मतदानपछि कसको दावी सत्य हुन्छ रु असार १५ को रोपाईंसँगै बाहिर आउनेछ ।<br></p>