पाल्पा बगनासकाली गाउँपालिकामा काँग्रेस र माओवादीबीच चुनावी तालमेल

<p><span style="line-height: 1.42857;">पाल्पा ।</span><br></p><p>असार १४ मा हुने स्थानीय तहको दोस्रो निर्वाचनका लागि पाल्पाको बगनाशकाली गाउँपालिकामा नेपाली काँग्रेस र नेकपा माओवादी बीच चुनावी तालमेल भएको छ ।&nbsp;</p><p><br></p><p>शुक्रबार दुई पार्टीले संयुक्त रुपमा तानसेनमा पत्रकार सम्मेलनको आयोजनागरी निर्वाचनमा सहकार्य गर्ने निर्णय भएको जानकारी गराएका हुन् ।</p><p><br></p><p>सहमती अनुसार बगनाशकाली गाउँपालिकाको अध्यक्ष पदमा नेपाली काँग्रेसका उम्मेदवार कृष्णप्रसाद बस्याल र उपाध्यक्ष पदमा माओवादी केन्द्रका कृष्ण भुसाललाई उम्मेदवार बनाउने निर्णय भएको निर्वाचन परिचालन समितिका संयोजक यमलाल तिमिल्सिनाले जानकारी दिनुभयो ।&nbsp;</p><p><br></p><p>उहाँका &nbsp;अनुसार गाउँपालिको दलित महिला सदस्य र महिला सदस्यमा माओवादी केन्द्रलाई काँग्रेसले समर्थन गर्ने गरी सहमति भएको हो । वडाहरुमा भने शनिबारसम्ममा स्थानीय स्तरबाट पहल गरी उम्मेदवार टुङ्गो लगाउने माओवादी केन्द्र बगनासकालीका संयोजक मथुरा ढकालले बातउनुभयो । &nbsp;</p><p><br></p><p>जिल्लाको निस्दी गाउँपालिकाबाट सुरु भएको दुई पार्टीबीचको चुनावी तालमेल अन्य नगर तथा वडामा समेत जारी राख्ने बताइएको छ । &nbsp;</p>