एनआरएन अध्यक्ष शेष घले दम्पत्तीको एक बर्षमा साढे ४ अर्ब रुपैयाँ बढ्यो

<p>१४ जेठ, काठमाडौं ।<br>शेष घले गैर आवासिय नेपाली संघ एनआरएनको अध्यक्षका रुपमा जति परिचित छन् त्यतीनै परिचित छन् उनको सम्पत्तिका कारण ।<br><br>अष्ट्रेलियाका धनाढ्यहरुको सूचीमा पर्दै आएका उनै शेष घले र पत्नी जमुना गुरुङको सम्पत्ती एकै बर्षमा ५ करोड ८० लाख डलर अर्थात् करिव ४ अर्ब ४६ करोड रुपैयाँ नेपाली रुपैयाँ बराबर थपिएको छ ।<br><br>धनीहरुको सूची प्रकाशित गर्दै आएको अष्ट्रेलियाको बीआरडब्लु म्यागेजिनले नै घले दम्पत्तीको सम्पत्ती विवरण सार्वजनिक गरहेको हो ।<br><br>सन् २०१६ को सूची शुक्रबार बिहान प्रकाशन गरे अनुसार घले दम्पत्ति कुल ५८ करोड ६० लाख डलर सम्पत्ति रहेको छ । जस अनुसार उनिहरु सूचीको १०५ औं स्थानमा रहेका छन् ।<br><br>सम्पत्ती बढेपनि गत बर्षको तुलनामा घले दम्पत्ती अष्ट्रेलियाको धनीहरुको सूचिमा पाँच स्थान तल झरहेका छन् ।<br>गत बर्ष सूचीको १०० औं स्थानमा परेका घले दम्पत्तिको सम्पत्ति ५२ करोड ८० लाख अष्ट्रेलियन डलर रहेको थियो ।<br><br>एमआइटी ग्रुप होल्डिङमार्फत् घले दम्पत्तिले शिक्षा र रियलस्टेट क्षेत्रमा अष्ट्रेलियामा लगानी गरेको छ ।<br><br>मेलवर्न इन्स्टिच्यूट अफ टेक्नोलोजी९एमआइटी०मा बिभिन्न देशका करिव ३ हजार ५ सय बिदेशी बिद्यार्थी अध्ययनरत रहेका छन् ।<br><br>यस्तै एमआइटी होल्डिङमार्फत् उनीहरुले रियल स्टेटल तथा होटलमा लगानी गरिरहेका छन् । मेलवर्न र सिड्नीका केही महत्वपूर्ण भवनमा उनीहरुको स्वामित्व रहेको छ ।<br><br>स्मरणीय के छ भने शेष घले र उनको पत्नी कुनै धनी परिवारको नभई नेपाली सामान्य परिवारका थिए । सन् १९९० को दशकमा बिद्यार्थीका रुपमा अष्ट्रेलिया प्रवेश गरेका घले दम्पत्तिले आफ्नै मेहनत र परिश्रमबाट अहिलेको सफलता पाएका हुन् ।<br><br>सन् २०१३ यता बिश्वभर छरिएका नेपालीहरुको संस्था गैरआवासीय नेपाली संघ 'एनआरएनए' को नेतृत्व गरिरहेका घलेले नेपाल काठमाडौंमा करिव १२ अर्ब रुपैयाँको लगानीमा शेराटन होटल खोल्दैछन् भने<br><br>घले दम्पत्तीले पछिल्लो समय युरोपीय देशहरुमा होटल तथा पर्यटन क्षेत्रमा लगानी बढाउँदै लगेका छन् ।<br></p>