बागलुङ्गमा प्रहरीले पक्राउ गर्न खोज्दा १७ बर्षे युवा नदिमा हाम फालेर बेपत्ता

<p><span style="line-height: 1.42857;">बागलुङ्ग ।</span><br></p><p>लागु औषध &nbsp;चरेश ल्याउदै गरेको सुचनाका आधारमा प्रहरीले पक्राउ गर्ने क्रममा भागेर कालीगण्डकीमा हाम फालेका युवाको खोजिको माग गर्दै आफन्तले सडक अवरुद्ध गरेका छन् ।</p><p>बागलुङ र पर्वतको सीमा मालढुंगाबाट मंगलबार राती ध १ ज ४१३ नम्वरको ट्याक्सि बाट भागेर बागलुङ नगरपालिका–३ का १७ बर्षिय सुनिल पुन बेपत्ता भएको प्रहरीले जनाएको छ ।&nbsp;</p><p>कालीगण्डकीमा हाम फालेर बेपत्ता भएका युवाको २४ घण्टा वितिसक्दा पनि प्रहरीले खोजी नगरेको भन्दै आफन्जहरुले सडक अवरुद्ध गरेका हुन ।</p><p>राती प्रहरीको नियन्त्रणबाट भाग्दै कालीगण्डकीमा हाम फालेका उनको खोजी भइरहेको जिल्ला प्रहरी कार्यालय बागलुङका प्रहरी नायव उपरिक्षक अनिल कुमार खड्काले बताए । बेपत्ता पुन संगै ट्याक्सीमा सवार अन्य २ जनालाई प्रहरीले नियन्त्रणमा लिइसकेको छ ।</p><p>बानपा–१ मालढुङ्गा बस्ने २८ वर्षीय दिपेन्द्र भरत भन्ने दिपेन्द्र कार्की र ट्याक्सी चालक मकवानपुर हेटौंडा उपमहानगरपालिका–१५ का २४ वर्षीय भिमसेन लामालाई सवारी साधन सहित प्रहरीले पक्राउ गरेको छ</p><p><br></p><p>ट्याक्सी चेकजाँच गर्ने क्रममा गियरको डण्डीनिर लुकाईछिपाई राखेको डाईजेपाम ३, नुर्फिन ३, फेनारगन ४ एम्पुल र नाइट्राजेपाम ट्याबलेट ३ थान लागू औषध प्रहरीले बरामद गरेको छ ।</p><p>पक्राउ परेका अन्य दुईजनाबाट अनुसन्धान भइरहेको छ । घटनास्थल आसपासका क्षेत्रमा आफन्तले समेत खोजीकार्य गरेपनि बुधबार साँझसम्म पुनको अवस्था पत्ता लाग्न सकेको छैन् ।</p><p>सडक अवरुद्ध भएपछि कुश्मा देखी बागलुङसम्म चल्ने सवारी बीचमै रोकिएका छन । चक्काजाम खुलाउन जिल्ला प्रहरी कार्यालय र जिल्ला ट्राफिक प्रहरी कार्यालयले पहल गरिरहेको जनाएको छ ।</p><p>आफन्तले सहज रुपमा पक्राउ गर्न सकिने आधार हुदाँ हुदै जवरजस्ती हामफाल्ने अवस्था बनाएको आरोप लगाएका छन ।</p>