यसरी बनाउदै छन् , धुर्मुस–सुन्तलीले नमुना नेपाल पाँच अर्बमा

<p style="color: rgb(51, 51, 51); font-size: 15px; text-align: justify;">काठमाण्डौं । पाँच अर्ब रुपैयाँको लागतमा धुर्मुस–सुन्तली फाउन्डेसनले &nbsp;‘नमुना नेपाल’ परियोजना निर्माणको घोषणा गरेको छ&nbsp;। फाउन्डेसनले &nbsp;‘नमुना नेपाल’ परियोजनाको अवधारणासहित भिडियो देखाएको छ&nbsp;। फाउन्डेसनका अध्यक्ष सीताराम कट्टेलले ‘नमुना नेपाल’मा नेपाल झल्कने सबै पक्ष समेटिने बताए&nbsp;।</p><p style="color: rgb(51, 51, 51); font-size: 15px; text-align: justify;">उनका अनुसार ‘नमुना नेपाल’मा नेपालको सांस्कृतिक पक्षदेखि समृद्धि झल्कने बुद्धको जन्मस्थान लुम्बिनी, हिमाल, मोनोरेल, गुम्बा, स्तूपा, खेलमैदान, विद्यालय, संग्रहालय सबै समेटिनेछन्&nbsp;। ‘नमुना नेपाल वास्तवमै नमुना हुनेछ&nbsp;। नेपालका सबै तस्बिर यहाँ समेटिनेछन्&nbsp;। नमुना नेपालले हिमाल, पहाड र तराईलाई प्रतिविम्बित गर्नेछ,’ कलाकार कट्टेलले भने&nbsp;।</p><p style="color: rgb(51, 51, 51); font-size: 15px; text-align: justify;">परियोजना कार्यान्वयनका लागि आवश्यक जमिन फेला नपरेको उनले बताए&nbsp;। ‘परियोजना तयार भयो&nbsp;। तर, कार्यान्वयनका लागि जग्गा अझै फेला परेको छैन&nbsp;। फेला परेकै भोलिपल्टबाट काम सुरु हुनेछ,’ उनले भने&nbsp;। परियोजना सफल पार्न सरकारको सहयोग महत्वपूर्ण रहने कलाकार कट्टेलले बताए&nbsp;। ‘हाम्रो काम सफल पार्न सरकारको सहयोग रहनेमा हामी ढुक्क छौँ&nbsp;। यदि भएन भने पनि केही छैन&nbsp;। नागरिककै सहयोगबाट हामी परियोजना पूरा गर्नेछौँ,’ उनले भने&nbsp;। सबै नेपालीले दुई सय रुपैयाँका दरले सहयोग गरे परियोजना सफल हुने उनको दाबी छ&nbsp;।</p><p style="color: rgb(51, 51, 51); font-size: 15px; text-align: justify;">यसअघि फाउन्डेसनले सिन्धुपाल्चोकको गिरानचौर र महोत्तरीको बर्दिबासमा एकीकृत नमुना बस्ती निर्माण गरिसकेको छ&nbsp;। तर, यसपटक नमुना बस्ती नभई ‘नमुना नेपाल’ नै बनाउन लागेको कलाकार कट्टेलको भनाइ छ&nbsp;।</p><p style="color: rgb(51, 51, 51); font-size: 15px; text-align: justify;"><strong>अल्का अस्पतालको २५ लाख सहयोग</strong><br>अल्का अस्पतालले धुर्मुस–सुन्तली फाउन्डेसनको तेस्रो परियोजना ‘नमुना नेपाल’ निर्माणमा २५ लाख रुपैयाँ सहयोग गर्ने घोषणा गरेको छ&nbsp;। ‘नमुना नेपाल’ निर्माणको अवधारणा सार्वजनिक कार्यक्रममा अस्पतालका अध्यक्ष कुमार थापाले फाउन्डेसनलाई २५ लाख रुपैयाँ सहयोग गर्ने घोषणा गरे&nbsp;।</p><p style="color: rgb(51, 51, 51); font-size: 15px; text-align: justify;">नेपाललाई विश्वसामु चिनाउन धुर्मुस–सुन्तली फाउन्डेसनले सुरु गरेको परियोजनालाई सफल बनाउने अभियानअन्तर्गत अस्पतालले सहयोगको घोषणा गरेको उनले बताए&nbsp;। ‘विगतमा सामाजिक उत्तरदायित्वको क्षेत्रमा हामीले थुप्रै सहयोगका कार्यक्रम गरिसकेका छौँ&nbsp;। तर, नेपाललाई विश्वसामु चिनाएर समग्र नेपालीको शिर उचो पार्ने यस महान् अभियानलाई एक नेपालीका तर्फबाट सफल पार्ने प्रयासस्वरूप सहयोग गर्न पाउँदा खुसी लागेको छ,’ उनले भने&nbsp;। अस्पतालले घोषणा गरेको रकम फाउन्डेसनले माग गरेलगत्तै प्रदान गरिने थापाले बताए&nbsp;।</p>