ओलीको गृह नगरमा २० वर्ष पहिलेकै उम्मेदवार !

झापा । नेकपा एमालेका अध्यक्ष केपी शर्मा ओलीको गृहनगर भएकाले दमक नगरपालिकाको चुनावलाई विशेष महत्वका साथ हेरिएको छ । यहाँको चुनावमा मुख्य राजनीतिक दलहरुदेखि विवेकशील नेपालीसम्म ७ पक्षीय प्रतिस्पर्धा हुँदैछ । दमकमा कांग्रेस र एमालेले मात्रै होइन, माओवादी रराप्रपाले पनि मेयरमा आफ्नो जित निकाल्ने दाबी गर्दै आएका छन्, जसले गर्दा यो नगरपालिकाको चुनावमा चौपक्षीय प्रतिस्पर्धा निकै तीब्र हुने अनुमान गरिएको छ ।झापाको एक प्रमुख व्यापारिक केन्द्रका रुपमा रहेको दमक नगरपालिका ७ हजार ५ सय १३ हेक्टर क्षेत्रफलमा फैलिएको छ । यहाँको मतदाता संख्या ४६ हजार ५ सय २३ छ ।इलाम र मोरङको सीमास्थलमा रहेको दमक नगरपालिकाको उत्तरमा इलामको चुलाचुली गाउँपालिका, दक्षिणमा झापाको गौरादह नगरपालिका, पश्चिमतिर मोरङको मधुमल्ला गाउँपालिका र उर्लाबारी नगरपालिका पर्छ । पूर्वतिर चुलाचुली र कमल गाउँपालिका पर्छ ।दमक नगरपालिकामा ब्राह्मण, क्षेत्री, धिमाल, लिम्बु, राई, मगर, सतार, राजवंशी, थारु, मुस्लिम, सुनुवार, माझी लगायतका समुदायको उल्लेख्य बसोवास छ ।पूर्वराजपरिवारको लगानी रहेको हिमालय चिया स्टेट पनि यही नगरपालिकाभित्र पर्छ ।२० वर्षपछि पनि एउटै अनुहारपूर्वप्रधानमन्त्री समेत रहेका केपी ओलीको गृह नगर भएकाले आसन्न स्थानीय निर्वाचनमा एमालेलाई यहाँ जित्नै पर्ने दबाव छ । विगतको स्थानीय निर्वाचनको नतिजालाई हेर्ने हो भने ०५४ सालमा एमाले उम्मेदवार रोमनाथ ओलीलाई राप्रपाका राम थापाले टक्कर दिएका थिए ।रोचक के छ भने २० पछिको चुनावमा पनि उनै रोमनाथ र रामवीच प्रतिस्पर्धा हुँदैछ । झण्डै २० वर्षपछि हुन लागेको स्थानीय निर्वाचनको मेयरमा फेरि एउटै अनुहार दोहोरिएको छ । एमाले र राप्रपाले तिनै रोमनाथ र रामलाई उम्मेदवार बनाएका छन् । दुवै पूर्वमेयर समेत हुन् ।अझै पनि दमकमा राप्रपाको ‘राम्रै’ उपस्थिति मानिएकाले यहाँ राप्रपा पनि बलियो रुपमा आउने बताइन्छ । थापालाई राप्रपाले दोस्रो संविधानसभाको निर्वाचनमा क्षेत्र नं. ७ बाट उम्मेदवार बनाएको थियो । जहाँ केपी ओलीसँगको प्रतिस्पर्धामा राप्रपा तेस्रो स्थानमा आएको थियो ।केपी ओलीले १९ हजार २ सय ८७ मत ल्याउँदा कांग्रेसले ११ हजार ४१ मत पाएको थियो भने अहिले मेयरमा उठेका राप्रपाका राम थापाले ९ हजार ३ सय ३५ मत पाएका थिए । चौथो स्थानमा रहेका माओवादी केन्द्रका गोपाल किरातीले यो क्षेत्रमा ८ हजार ८ सय २ मत ल्याएका थिए ।केपी ओलीले पार्टीको मात्रै नभएर व्यक्तिगत मतसमेत पाएका कारण अरुको भन्दा बढी देखिए पनि यसपालिको चुनावमा दमकमा एमाले, कांग्रेस, राप्रपा र माओवादीभित्र समानान्तर प्रतिस्पर्धा हुने अनुमान गरिएको छ ।सात उम्मेदवार, चौपक्षीय प्रतिस्पर्धाहालसम्मको अवस्था हेर्दा दमकको मेयरमा ७ पक्षीय प्रतिस्पर्धा हुने देखिएको छ । नेपाली कांग्रेसबाट ढुण्डीराज भण्डारी, एमालेबाट रोमनाथ ओली, माओवादी केन्द्रबाट गगन पुरी, राप्रपाबाट राम थापा चुनावी मैदानमा छन् ।<div id="attachment_594052" class="wp-caption aligncenter" data-mce-style="text-align: justify;" style="margin: 6px auto; max-width: 100%; text-align: justify; clear: both; color: rgb(34, 34, 34); font-family: Verdana, Geneva, sans-serif; font-size: 15px;">त्यसैगरी विवेकशील नेपलाीबाट सवास सुवेदी, साझा पार्टीबाट अर्जुन बुढाथोकी र संघीय समाजवादीबाट सतिस साहसमेत दमकको मेयरका लागि चुनावी मैदानमा उत्रिएका छन् ।</div>यहाँ मुख्य प्रतिस्पर्धा भने कांग्रेस, एमाले, माओवादी र राप्रपाबीच नै हुने स्थानीयको विश्लेषण छ ।

ओलीको गृह नगरमा २० वर्ष पहिलेकै उम्मेदवार !

प्रतिक्रिया

सम्बन्धित खवर

ताजा समाचार

तारकेश्वरमा सरकारी सेवामा जोडिएका व्यक्तिको सन्तान सामुदायिक विद्यालयमै पढ्नुपर्ने

विद्यार्थी सङ्गठनमाथि प्रतिबन्धको विरोधमा कालो बेलुन उडाएर प्रदर्शन

चौतर्फी आलोचनापछि गृहमन्त्री गुरुङको राजीनामा

बट्टारको हावाघरमा आइतबारे कृषि हाट बजार केन्द्र सञ्चालनमा

नेपालद्वारा युएई ८ विकेटले पराजित

सम्पर्क

सूचना विभाग दर्ता नं.

साइट नेभिगेशन

हाम्रो टीम

प्रकाशक/ सम्पादक

नेपाल ब्युरो चीफ़

संवाददाता