कांग्रेसभित्र विद्रोहको संकेत : असन्तुष्टी देउवाकै गृह प्रदेशमा

कैलाली । नेपाली कांग्रेसका सभापति शेरबहादुर देउवाको गृह क्षेत्र प्रदेश नं. ७ का नेता तथा कार्यकर्ताले विद्रोहको संकेत गरेका छन् ।दोस्रो चरणको स्थानीय तहको चुनावका लागि टिकट वितरणमा भएको अन्याय र माओवादीसंगको तालमेललाई लिएर कांग्रेसको नेता कार्यकर्ताहरु संगठित विद्रोहको तयारीमा जुटेका हुन् ।<a href="http://www.sipradi.com.np/page/media/enquiry-sheet.html" target="_blank" class="desktoponly" style="color: rgb(41, 100, 160); font-family: "Ek Mukta", serif; display: block; font-size: 16.368px; background-color: rgb(255, 255, 255);"></a>सभापति देउवा र कांगे्रस नेतृ आरजु राणाले पार्टीको विधान, निर्णय र प्रचलित मान्यता बिरुद्ध जथाभावी टिकट वितरण गर्न थालेपछि संगठित विद्रोहको तयारी गरिएको नेता कार्यकर्ताहरुले बताएका छन् ।गाउँ क्षेत्र र नगरबाट सिफारिस नै नभएका ब्यक्तिलाई सभापति देउवा र नेतृ राणाले टिकट वितरणमा हस्तक्षेप गरिएको आरोप कार्यकर्ताहरुको छ ।देउवाकै गृह जिल्ला डडेलधुराका ७ वटा स्थानीय तह मध्ये परशुराम नगरपालिका वाहेक अन्य ६ वटा तहमा विद्रोहका लागि नेता कार्यर्ताले सूची तयार गरिसकेका छन् ।डडेलधुराको अमरगढी नगरपालिका, अजयमेरु गाउँपालिका, गन्यापधुरा गाउँपालिका र भागेश्वर गाउँपालिकामा बिद्रोही उम्मेदवारले प्रचारप्रसार समेत शुरु गरिसकेका छन् ।कांग्रेस सभापति देउवाको गृह जिल्लामा टिकट वितरणमा मनोमानी भएको आरोप लगाउँदै गन्यापधुरा गाउँपालिकाका नेता तिलक हमाल ३ दिनबाट आमरण अनशनमा बसेका छन् ।गत संविधानसभा निर्वाचनमा देउवाले चुनाव जितेको कैलाली क्षेत्र नं ६ का अर्का नेता कृष्णबहादुर कुंवर आमरण अनशनमा बसेको एक साता भएको छ ।स्वास्थ्य स्थिति गम्भीर भएपछि उनलाई सेती अञ्चल अस्पतालको आइसीयुमा राखेर उपचार भइरहेको छ । यी दुई उदाहरण मात्र हुन् । दोस्रो चरणको निर्वाचन नजिकिदै गर्दासमेत काँग्रेसले सुदूरपश्चिमका अधिकांस नगरपालिका र गाउँपालिकामा उम्मेदवार तय गर्न नसकेपछि कांग्रेस भित्र चरम असन्तुष्टी फैलिएको छ ।कांग्रेसका गढ मानिएका डडेलधुरा, कैलाली, कंचनपुर र डोटी जिल्लामा टिकट वितरण बिरुद्ध कार्यकर्ताहरु आन्दोलित मात्र भएका छैनन् संगठित विद्रोहको तयारीमा जुटेका छन् ।कैलालीको गोदावरी नगरपालिकामा माओवादी नेता लेखराज भट्टका भाई गोकर्ण भट्टलाई मेयर पद दिने गरी तालमेल गर्न कांग्रेस नेता एनपी साउँद र रमेश लेखक लागेपछि नगरपालिकाका १२ वटै वडाका सभापतिहरुले संयुक्त प्रेस बिज्ञप्ती जारी गरी बिद्रोहको चेतावनी दिएका छन् ।कांग्रेसको गढ मानिने गोदावरी नगरपालिकामा माओवादी नेताका भाइलाई जिताउन तालमेल गरिए सहृय नहुँने चेतावनी दिदै १२ वटै वडाका सभापतिले मंगलवार विज्ञप्ती जारी गर्दै नेतृत्वलाई चेतावनी दिएका हुन् ।दोस्रो संविधान सभाको चुनावमा उक्त क्षेत्रबाट नेपाली कांग्रसले अत्याधिक महुमतसहित विजयी हासिल गरेको थियो ।७ नं प्रदेशको एकमात्र उपमहानगरपालिका धनगढीमा पनि अधिकांस वडाका सक्रिय सदस्यहरुले नेताहरुको मनोमानीपूर्ण टिकट बितरणलाई लिएर क्रियाशील सदस्यताबाट धमाधम राजीनामा दिन थालेका छन् ।अहिलेसम्म कैलालीमा ४२ जना नेता कार्यकर्ताले राजनीमा दिइसकेका छन् भने अधिकांश ठाउँमा बिद्रोही उम्मेदवारका रुपमा निर्वाचन लड्न प्रचारप्रसारमा जुटेका छन् ।पहिलो संविधानसभाको चुनावमा माओवादीले विजयी गरेको क्षेत्रमा दोस्रो संविधानसभाको चुनावमा शेरबहादुर देउवालाई जिताउन अहोरात्र खटिएका महाधिवेशन प्रतिनिधि कृष्णबहादुर महरा त्यसपछि भएको चुनावमा पुष्करनाथ ओझालाई जिताउन समेत रातदिन नभनि खटिए ।उनलाई धनगढी उपमहानगरपालिकाको प्रमुखमा मौका दिने ती विजयी नेताहरुले बताएपनि अहिले आएर महराले टिकट पाउने सम्भावना करिव नरहेको एक केन्द्रीय नेताले बताए ।सुत्रका अनुसार महराले टिकट पाए उपमहानगरपालिकामा जित्ने सम्भानवा धेरै रहेपनि आफूलाई उछिन्ने होकी भनेर उनलाई टिकट नदिने खेल भएको ती केन्द्रीय नेताले बताए ।देउवा गुट भित्रै एनपी साउँद र रमेश लेखकका भिन्दाभिन्दै गुटवीच चर्को बिवाद भएपछि सुदूरपश्चिममा विद्रोहको स्थिति आएको जिविस पूर्व सभापति समेत रहेका एक नेताले बताए ।लेखक र साउँदवीच आफ्ना गुटका मान्छेलाई टिकट दिने होडबाजीका कारण ७ नं प्रदेशमा कांग्रेस कमजोर स्थितिमा पुगेको कार्यकर्ताको ठम्याई छ ।नेपाली कांग्रेसका पूर्व केन्द्रीय सदस्य समेत रहेका एक नेताले भने, ‘टिकट वितरण सकिए लगत्तै बिद्रोहको संगठित स्वरुप बाहिर आउने छ ।’कार्यकर्तालाई हलिया ठान्ने प्रवृत्ति र जे गरेपनि हुन्छ भन्ने देउवाको मनस्थितिका कारण विद्रोह गर्नुपरेको पनि ती नेताले बताए ।

कांग्रेसभित्र विद्रोहको संकेत : असन्तुष्टी देउवाकै गृह प्रदेशमा

प्रतिक्रिया

सम्बन्धित खवर

ताजा समाचार

तारकेश्वरमा सरकारी सेवामा जोडिएका व्यक्तिको सन्तान सामुदायिक विद्यालयमै पढ्नुपर्ने

विद्यार्थी सङ्गठनमाथि प्रतिबन्धको विरोधमा कालो बेलुन उडाएर प्रदर्शन

चौतर्फी आलोचनापछि गृहमन्त्री गुरुङको राजीनामा

बट्टारको हावाघरमा आइतबारे कृषि हाट बजार केन्द्र सञ्चालनमा

नेपालद्वारा युएई ८ विकेटले पराजित

सम्पर्क

सूचना विभाग दर्ता नं.

साइट नेभिगेशन

हाम्रो टीम

प्रकाशक/ सम्पादक

नेपाल ब्युरो चीफ़

संवाददाता