‘बिना आधार बढाइएको स्थानिय संख्या फिर्ता नभएसम्म संसद अवरोध हट्दैन’- भीम रावल

<p><span style="line-height: 1.42857;">बैतडी ।</span><br></p><p>नेकपा एमालेका उपाध्यक्ष भीम रावलले स्थानीय तहको निर्वाचन नगर्ने नियतले स्थानीय तहको संख्या थपेको बताउनुभएको छ ।</p><p><br></p><p>प्रेस चौतारी नेपाल जिल्ला शाखा बैतडीले बिहीबार आयोजना गरेको पत्रकार सम्मेलनमा बोल्दै नेता रावलले सरकारले चुनाव नगर्ने नियतका साथ संविधान विपरीत स्थानीय तहको संख्या थपेको आरोप लगाउनुभएको छ ।</p><p>उहाँले भन्नुभयो ‘यो सरकारले संविधान र कानुनको मर्म विपरीत स्थानीय तहको संख्या थप्ने निर्णय गरेको छ । एमाले सदैव यसको विपक्षमा छ । प्रधानन्याधिशमाथि लगाइएको महाअभियोग, संविधान संशोधन प्रस्ताव र स्थानीय तहको संख्या थप्ने निर्णय फिर्ता नहुँदा सम्म संसदको अवरोध कायम रहन्छ ।’</p><p>पत्रकार सम्मेलनमा बोल्दै नेता रावलले स्थानीय तहको निर्वाचनलाई प्रभावित गर्ने हिसाबले प्रधानमन्त्रीले राजीनामा दिएको आरोप लगाउनुभयो । उहाँले भन्नुभयो ‘म्याद राखेर प्रधानमन्त्री, मन्त्री बन्ने कहाँको लोकतान्त्रि पद्धति हो ? नेपाली कांग्रेस र माओवादी केन्द्रको यो कस्तो खालको लोकतन्त्र हो ?’</p><p>नेता रावलले एमाले संसदीय व्यवस्था विश्वास गर्ने पार्टी भएकाले नयाँ सरकार निर्माणको बेला देशलाई आवश्यक परे एमालेले नेतृत्व गर्ने दाबी गर्नुभयो । उहाँले भन्नुभयो ‘अहिले भन्दा अबको चुनावमा पहिलो पार्टी भएर सरकारको नेतृत्व गर्दछ ।’ &nbsp;</p>