प्रधानमन्त्रीद्धारा एक हप्ताभित्र राजिनामा दिने घोषणा

<p><span style="line-height: 1.42857;">काठमाडौं ।</span><br></p><p>प्रधानमन्त्री पुष्पकमल दाहालले एक हप्ताभित्रमा पदबाट राजिनामा दिने घोषणा गरेका छन् ।</p><p><br></p><p>तराई केन्द्रित राजनीति गर्दै आएको राष्ट्रिय जनता पार्टीका नेताहरुसँग सोमबार बालुवाटारमा भएको भेटमा प्रधानमन्त्री दाहालले एक साताभित्र आफूले व्यवस्थापिका संसदमा सम्बोधन गरेर पद त्याग गर्ने घोषणा गरेका हुन् ।</p><p><br></p><p>‘स्थानीय तहको पहिलो चरणको निर्वाचन सम्पन्न गरेर संविधान कार्यान्वयनको ढोका खोलेको तथा राष्ट्र र जनताका पक्षमा सत्तापक्ष र प्रतिपक्षले नसोचेको परिणाम हासिल गरेको भन्दै दाहालले पदबाट राजिनामा दिने बताएका हुन् ।</p><p><br></p><p>दाहालले तराई केन्द्रित राजनीति गर्दै आएका नेताहरुसँगको भेटमा भने अब तपाईँहरुले उठाएका माग सम्बोधन हुने गरी संविधान संशोधन गर्ने मेरो लक्ष्य र उद्देश्य छ, वर्तमान सत्ता गठबन्धन कायमै रहन्छ । यो गठबन्धनले तपाईहरुका माग सम्बोधन हुने गरी संविधान संशोधन गर्छ ।’</p><p><br></p><p>कांग्रेस र माओवादी केन्द्रबीच गत साउनमा भएको भद्र सहमति अनुसार अब काँग्रेस सभापति शेरबहादुर देउवा प्रधानमन्त्री बन्नु हुने बताइएको छ ।</p><p><br></p><p>प्रधानमन्त्रीलाई भेट्न राजपाका नेताहरु महन्थ ठाकुर, राजेन्द्र महतो, शरदसिंह भण्डारी, महेन्द्रप्रसाद यादव, राजकिशोर यादव र अनिलकुमार झा बालुवाटार पुगेका थिए ।</p><p><br></p><p>पछिल्लो समय काँग्रेस सभापती शेरबहादुर देउवा प्रहरी महानिरिक्षक नियुक्तीमा हस्तक्षेप, सर्वोच्च अदालतका प्रधानन्यायाधिश सुशीला कार्की महाअभियोगमा मुछिएर चर्को आलोचना खेप्दै आएपनि संसदीय गणितका आधारमा माओवादी र तराई केन्द्रित दलहरुको समर्थन बटुल्दै प्रधानमन्त्री हुँदैछन् ।</p>