भक्तपुरमा ३१ जनाले उम्मेदवारी फिर्ता लिए

<p><span style="line-height: 1.42857;">भक्तपुर ।</span><br></p><p>आगामी ३१ गते हुने स्थानीय तहको निर्वाचनका लागि भक्तपुरका चारवटा नगरपालिकामा कूल १ सय ९८ पदका लागि कूल १ हजार ११ जनाले उम्मेदवारी दर्ता गराएकोमा ३१ जनाले आज फिर्ता लिएका छन् ।</p><p>जसअनुसार मध्यपुर थिमि नगरपालिकामा १४,चाँगुनारायण नगरपालिकामा १२,सुर्यबिनायक नगरपालिकामा ४ र भक्तपुर नगरपालिकामा १ जनाले उम्मेदवारी फिर्ता लिएको जिल्ला निर्वाचन कार्यालयका अधिकारी उमेश राईले जानकारी दिनुभयो ।</p><p>उम्मेदवारी फिर्ता लिनेमा अधिकांश साना पार्टीका र स्वतन्त्र उम्मेदवार रहेका छन् ।</p><p>उहाँका &nbsp;अनुसार मेयर एक, उपमेयर एक, वडा अध्यक्ष एक, खुल्ला वडा सदस्य दुई, दलित महिला एक र महिला एक गरि कूल ७ वटा पदका लागि चाँगुनारायणमा २९१, भक्तपुरमा २२२, मध्यपुरथिमिमा २१६ र सूर्यविनायक नगरपालिकमा २८२ जनाले मंगलबार उम्मेदवारी दिएका थिए ।</p>