निर्वाचनको वातावरण उत्साहपूर्ण बन्दैछः प्रमुख आयुक्त

<p><span style="line-height: 1.42857;">काठमाडौं ।</span><br></p><p>प्रमुख निर्वाचन आयुक्त डा.अयोधीप्रसाद यादवले स्थानीय तहको पहिलो चरणको निर्वाचनको मनोनयनपछि निर्वाचनको वातावरण अझ उत्साहपूर्ण बन्दै गएको बताउनुभएको छ ।</p><p><br></p><p>बहिरा नागरिकका लागि स्थानीय निर्वाचनसम्बन्धी आज काठमाडौंमा आयोजना गरिएको प्रशिक्षण कार्यक्रममा प्रमुख आयुक्त डा. यादवले आज बिहानदेखि नै उम्मेदवारहरू निकै उत्साहपूर्वक र खुशीयालीका साथ झण्डा र दलको चुनाव चिह्नसहित निर्वाचन प्रचार प्रसारमा जुटिसकेको जानकारी दिनुभयो ।</p><p><br></p><p>प्रमुख आयुक्त डा. यादवले राजनीतिक दल र उम्मेदवारले निर्वाचनको प्रचार प्रसारको क्रममा हुन सक्ने तडक भडक र आचारसंहिताको पालना गरे/नगरेको बारे अनुगमन र निगरानी गर्न सुझाव दिनुभयो ।</p><p><br></p><p>आयोगका सचिव गोपीनाथ मैनालीले बाजागाजासहित शान्तिपूर्ण र उत्साहित रुपमा भएको उम्मेदवारी मनोनयन दर्ताले निर्वाचनसम्बन्धी सबै द्विविधा अन्त्य गरेको बताउनुभयो ।</p><p><br></p><p>कार्यक्रममा ३८ जिल्लाबाट आएका बहिरा प्रतिनिधिहरुको सहभागिता रहेको थियो ।&nbsp;</p>