स्थानीयत तह निर्वाचनका लागि मनोनयन दर्ता जारी

<p><span style="line-height: 1.42857;">काठमाडौं ।</span><br></p><p>यही वैशाख ३१ गते आइतबार हुने स्थानीय तह निर्वाचनका लागि तीनवटा प्रदेशका ३४ जिल्लाका २ सय ८३ स्थानीय तहमा आज बिहान १० बजेबाट उम्मेदवारी मनोनयन दर्ता सुरु भएको छ ।&nbsp;</p><p>पहिलो चरणमा प्रदेश ३, ४ र ६ मा सञ्चालन हुने निर्वाचनमा तीन वटै प्रदेशमा गरी ४ वटा महानगरपालिका, १ उपमहानगर, ९२ वटा नगरपालिकाका मेयर, उपमेयर तथा १ सय ८६ वटा गाउँपालिकाका अध्यक्ष तथा उपाध्यक्ष पदका लागि मनोनयन दर्ता भइरहेको छ ।&nbsp;</p><p>यसैगरी, महानगरका १ सय २३, उपमहानगरका १९, नगरपालिकाका १ हजार ९१ र गाउँपालिकाका १ हजार ३ सय ६५ गरी जम्मा २ हजार ५ सय ९८ वडाध्यक्षका लागि मनोनयन हुँदैछ ।&nbsp;</p><p>साथै कुल २ हजार ५ सय ९८ वडाका लागि चार सदस्यका दरले १० हजार ३ सय ९२ वडा सदस्य पदका लागि मनोनयन हुने छ । २ हजार ५ सय ९८ वडा सदस्यमा महिला, २ हजार ५ सय ९८ दलित महिला गरी ५ हजार १ सय ९६ वडा सदस्य पदका लागि महिलाको उम्मेदवारी हुने आयोगले जनाएको छ ।&nbsp;</p><p>प्रदेश ३, ४ र ६ का ३४ जिल्लाको २ सय ८३ स्थानीय तहका लागि हुने निर्वाचनमा कुल ४९ लाख ५६ हजार ९ सय २५ मतदाता रहेका छन् । निर्वाचन प्रयोजनका लागि ६ हजार ६ सय ४२ मतदान केन्द्रमा मतदान हुनेछ ।&nbsp;</p><p>महिला, दलित, अल्पङ्ख्यक समुदाय वा आर्थिकरूपले विपन्न उम्मेदवारले उम्मेदवारी मनोनयन गर्नका लागि आवश्यक पर्ने दस्तुरमा ५० प्रतिशत छुट दिने व्यवस्था रहेको छ ।&nbsp;</p><p>उम्मेदवारी दर्ताका लागि आज बिहान १० देखि अपरान्ह ५ बजेसम्मको समय तय गरिएको छ ।</p><div><br></div>