परस्पुरमा एकता महिला संचार समुह गठन

<p>अचारी पोखरेल-११ जेठ, नेपालगञ्ज ।<br>आर्थिक र राजनीतिक रुपमा महिलाहरुलाइ सशक्तिकरण गर्ने उदेश्यले महिला संचार समुह बाँकेद्धारा मंगलवार परस्पुर गाविसका महिलाहरुलाइ समेटेर एकता महिला संचार समुह गठन गरीएको छ ।</p><p>महिला संचार समुहका अध्यक्ष अछरी पोखरेलको प्रमुख अतिथ्यमा गठन गरीएको&nbsp; एकता महिला संचार समुहको अध्यक्षमा साकारा वेगम दर्जी,सचिव तबस्सुम दर्जी,कोषाध्यक्ष सवीना दार्जी रहेका छन् । <br>यसैगरी सदस्यहरुमा सैजहा दर्जी, बसीरुन नाउ, हिरा नाउ, जैवन दर्जी, निशा वेहना, नगमा दर्जी&nbsp; रहेका छन् ।</p><p>भेलामा बोल्दै महिला संचार समुहका अध्यक्ष अछरी पोखरेलले महिलालाइ राजनीतिमा ल्याउनको निम्ति उनीहरुको आर्थिकमा पहँुच हुन जरुरी रहेको बताउनु भयो । २०७२को संविधानले प्रत्येक वडामा २ जना महिला उम्मेदवार उठाउने व्यवस्था गरेका कारण महिलाहरु अहिले देखि नै नेतृत्व विकास गरी आर्थिक आय आर्जनमा जुट्दै अगाडि बढ्न जरुरी रहेको बताउनु भयो ।</p><p>अध्यक्ष पोखरेलले महिलालाइ राजनीति गर्न पनि पैसा चाहिने भएका कारण महिला आयआर्जनमा पनि जोडिन जरुरी रहेको बताइन ।</p><p>सम्पन्न भेलामा एकता महिला संचार समुह नेपालगन्ज उपमहानगरपालीका वडा नं.२ का संयोजक निलम ज्ञवालीले महिला संगठीत भइ बचत गरेमा आफुलाइ आर्थिक समस्या पर्दा टार्न सजिलो हुने बताइन ।</p><p>यसैगरी नेपालगन्ज उपमहानगरपालीका वडा नं.३ का एकता महिला संचार समुहका संयोजक सरस्वती रस्तोगीले महिला हिंसाका सवालमा महिला संगठीत भइ आवाज उठाउन सकेमा न्याय पाउन सजिलो हुने बताइन । भेलामा परस्पुर गाविसकी स्वयंसेवीका&nbsp; महिलाले पैसा बचत गरेर राख्ने हो भने गर्भवतीको समयमा अस्पताल पुग्न र औषधि उपचार गर्नमा पनि पद्दत मिल्ने बताइन ।</p><p>भेला पछि बसेको एकता महिला संचार समुहको पहिलो बैठकले प्रत्येक महिनाको १ गते बैठक बस्ने र मासिक रु.५० जम्मा गर्ने निर्णय गरेको छ ।</p><p>महिलाको पहँुच राजनीतिमा पुर्याउनको निम्ति महिला संचार समुह बाँकेले वैशाकको १५,१६,१७ गते ३ दिनको नेतृत्व विकास तालिम दिएको थियो । तालिमपछि सहभागीहरुलाइ आ –आफ्ना वडामा समुह गठन गर्ने र उनीह्रुको नेतृत्व विकास गराउने उदेश्य रहेका कारण विभिन्न वडामा समुह गठन गरीएको समुहका सदस्य आसा केसीले जानकारी दिइन&nbsp; ।<br><br><br></p>