लोप भइसकेको भनिएको चरा भेटियो

<p>११ जेठ, चितवन ।<br>नेपालबाट लोप भइसकेका मानिएका विभिन्न नौ प्रजातिका चरामध्ये सिम्रिक काने लिओसिच्ला प्रजातिको चरा फेला परेको छ ।<br><br>चितवनको उपर दाङगढी जंगलमा यही जेठ आठ र नौ गते गरिएको चरा अवलोकनका क्रममा सिम्रिक काने लिओसिच्ला प्रजातिका आठवटा चरा देखिएको चरा विशेषज्ञ डा। हेमसागर बरालले जानकारी दिनुभयो ।<br><br>नेपालमा फेला पारिएको सिम्रिक काने लिओसिच्ला प्रजातिको चरा भ्याकुर परिवारमा पर्ने र हाल यो चरा भारत, चीन, भूटान र बंगलादेशमा समेत पाइने उहाँले बताउनुभयो ।<br><br>हाल नेपालमा विभिन्न ८७८ प्रजातिका चरा पाइन्छन् ।<br><br></p>