थ्रेस होल्डको डरपछि ठाकुर देखी महतो सहितको पाँच दल एकता, चिनिराख्नुस् यि पाँच नेता

काठमाडौं ।संसदीय निर्वाचनमा प्रत्यक्ष तर्फ एक सिट र समानुपातीकमा कम्तिमा ३ प्रतिशत मत नल्याए दल अस्तित्वनै नरहने भएपछि आत्तिएका तराई केन्द्रित दलहरु एकतामा जुटेका छन् । संसद बन्न र पार्टी खोलेर एउटा सांसदकै भरमा मन्त्री हत्याउन पल्केका तराई केन्द्रित पाँच दल एकता गर्न सहमत भएका छन् । तराई केन्द्रित राजनीति गर्दै आएको मधेसी मोर्चाका महन्थ ठाकुर नेतृत्वको तमलोपा, राजेन्द्र महतो नेतृत्वको सदभावना पार्टी, शरतसिंह भण्डारीको राष्ट्रिय मधेस समाजवादी पार्टी, महेन्द्र यादव नेतृत्वको तराई मधेस समाजवादी पार्टी र राजकिशोर यादव नेतृत्वको फोरम गणतान्त्रिक बिच एकता भएको हो । चुनाव चिन्ह छाता राख्ने सहमती भएसँगै नेताहरुले पार्टीको नाम राष्ट्रिय जनता पार्टी भएको बताएका छन् । यद्यपी उनिहरुले आफुहरुलाई राष्टिय पार्टी देखाउन दलको नाममा मधेश शब्द भने नराख्ने बताएका छन् । स्मरणीय छ भारतले नेपालमाथि लगाएको बेलामा तराईका जिल्लामा हिंसात्मक आन्दोलन गरिरहेको मधेशी मोर्चा महन्थ ठाकुरकै नेतृत्वमा भारत बिहार पुगेर लालु यादवसँग भेटेको थियो । भारतीय अदालतबाट भ्रष्टाचारी ठहरपछि राजनीतिमा रहेपनि कम चर्चामा रहेका यादवकै नेतृत्वमा भारतमा यस्तौ राष्ट्रिय जनता दल नामको पार्टी रहेको छ । उस्तै लाग्नेगरि तराई केन्द्रित राजनीति गरिरहेका यि नेताहरुले नेपालमा राष्ट्रिय जनता पार्टी राख्नुले विशेष अर्थ राखेको देखिन्छ ।मध्यरात डिनर सहितको पार्टी बैठकमा मोर्चाका दुई दल संघीय समाजवादी फोरम र नेपाल सद्भावना पार्टीलाई पनि एकतामा ल्याउने भनिएपनि सहमती नभएको र प्रयास भइरहेको बताईएको छ । उपेन्द्र यादव नेतृत्वको संघीय समाजवादी फोरम बाबुराम भट्टराई नेतृत्वको नयाँ शक्तिसँग एकताका लागि रहेकाले उनिहरुले यादवसँग एकता छलफल नगरेको बताए । महन्थ ठाकुरलाई सर्बसम्मत नेता मान्ने गरी नयाँ दल घोषणा गर्ने नेताहरुको तयारी छ । ठाकुर नेपाली काँग्रेस पार्टीबाट महामन्त्री पद छाडेर पहिलो संविधान सभा चुनाव अघि तराई केन्द्रित राजनीति गर्न नयाँ दल खोलेर लागेका थिए । शीर्ष नेताहरुले पालैपालो नयाँ पार्टीको नेतृत्व लिने सहमति अनुसार सुरुमा ठाकुरलाई नेतृत्व दिने बताइएको छ । पाँच दलको एकतापछि ठाकुर नेतृत्वको पार्टी संसदमा प्रतिनिधित्वका आधारमा सबैभन्दा ठूलो दल बन्ने भएको छ । जसको सिट संख्या २३ पुग्नेछ ।हाल संसदमा तमलोपाको ११ सीट छ भने सदभावनाको ५ सीट छ । रामसपा र तमसपाको ३र३ सांसद छन् भने गणतान्त्रिक फोरमको १ सीट छ । संसदमा विजय गच्छदार नेतृत्वको फोरम लोकतान्त्रिकको १६ सीट छ भने उपेन्द्र यादव नेतृत्वको संघीय समाजवादी फोरमको १५ सीट छ । राप्रपाले ३७ सीट सहित संसदमा चौथो शक्तिको रुपमा उभिएको छ । नयाँ पार्टीको झण्डा तीन रंगको हुने सबैभन्दा माथि रातो रंग हुने वीचमा सेतो रंग हुने र तल हरियो रंग हुनेछ । क्रान्ति, शान्ति र समृद्धिको प्रतीकका रुपमा तीन रंग राखेर झण्डाको वीचमा पार्टीको चुनावचिन्ह छाता राख्ने बताइएको छ ।<img src="https://topnepalnews.comuploads/posts/baca628745853ff86aa8eac264f076101492671287.jpg" style="width: 533px;"> एकतामा जुटेका सद्भावनाका महतो अंगिकृत नेपाली नागरिकता लिएका भारतीय हुन् जसले आफुले नागरिकता लिएपछि बाबुलाई नेपाली नागरिकता दिलाएका थिए ।यस्तै शरतसिंह भण्डारी तिनै व्यक्ति हुन् जसले बाबुराम भट्टराई नेतृत्वको सरकारमा रक्षामन्त्री रहँदै तराईका २२ जिल्लालाई टुक्राएर छुट्टै राज्य बन्न सक्ने भन्दै देशद्रोही अभिव्यक्ति दिएका थिए । लगत्तै देशभर भएको बिरोध र प्रतिपक्षि दलहरुको संसद अवरोधपछि भट्टराईले भण्डारीको बचाउ गरेपनि अन्तत यिनलाई रक्षामन्त्रीबाट हटाउन बाध्य भएका थिए । यस्तै महेन्द्र प्रसाद यादव अर्का त्यस्ता व्यक्ति हुन् सरकारमा उद्योग मन्त्री रहेको समयमा पार्टीले मन्त्रीबाट हटाउने भएपछि आफु आवद्ध तराई मधेश लोकतान्त्रीक पार्टीबाट ९ सांसद किनेर नयाँ दल बनाएका थिए । उनी पछिल्लो समय राजेन्द्र महतोसँगै लागेर तराईको हिंसात्मक आन्दोलन उक्साउने देखी भारतीय नेताहरुको दैलो चहार्न समेत पुगेका थिए । यस्तै मधेशी जनअधिकार फोरम गणतन्त्रीक पार्टी खोलेका राज किशोर यादव तिनै व्यक्ति हुन् जसले नेपाली काँग्रेसबाट राजनीति थालेपनि पद र सत्ताकै लागि नेकपा एमाले हुँदै एकीकृत माओवादीमा समेत छिरेर तराई केन्द्रित राजनीति गरिरहेका छन् । <img src="https://topnepalnews.comuploads/posts/4407f88af14cb21c0ec26519e93bc6c51492671154.jpg" style="width: 547px; height: 207.32px;"> तराईमा मधेशी मोर्चाले हिंसात्मक आन्दोलन गर्दै भारतीय नाकाबन्दीलाई सहयोग गरेपछि तराईमा आफ्नो अस्तित्व सकिने देखेपछि यिनै यादवले नाकाबन्दीको समयमा बिजय गच्छदारको मधेशी जनअधिकार फोरम लोकतान्त्रिक र शरदसिंह भण्डारीको राष्ट्रिय मधेश समाजवादी पार्टीसँग मोर्चा बनाउँदै तराईको बैकल्पिक शक्ति आफुहरु भएको दाबी समेत गरेका थिए ।

थ्रेस होल्डको डरपछि ठाकुर देखी महतो सहितको पाँच दल एकता, चिनिराख्नुस् यि पाँच नेता

प्रतिक्रिया

सम्बन्धित खवर

ताजा समाचार

तारकेश्वरमा सरकारी सेवामा जोडिएका व्यक्तिको सन्तान सामुदायिक विद्यालयमै पढ्नुपर्ने

विद्यार्थी सङ्गठनमाथि प्रतिबन्धको विरोधमा कालो बेलुन उडाएर प्रदर्शन

चौतर्फी आलोचनापछि गृहमन्त्री गुरुङको राजीनामा

बट्टारको हावाघरमा आइतबारे कृषि हाट बजार केन्द्र सञ्चालनमा

नेपालद्वारा युएई ८ विकेटले पराजित

सम्पर्क

सूचना विभाग दर्ता नं.

साइट नेभिगेशन

हाम्रो टीम

प्रकाशक/ सम्पादक

नेपाल ब्युरो चीफ़

संवाददाता