पार्टी खोलेका पूर्वसांसद टंक राई माओवादीमा मिसिए

<p><span style="line-height: 1.42857;">काठमाडौं ।</span><br></p><p>निर्वाचनमा ३ प्रतिशत थ्रेस होल्ड राखेपछि भुरेटाकुरे पार्टी खोल्दै अध्यक्ष बन्नेहरुले उस्तै दलहरुसँग मिल्ने क्रममा पूर्व सांसद टंक राईले पनि आफ्नो पार्टी माओवादी केन्द्रमा बिलय गराएका छन् ।</p><p><br></p><p>राई नेतृत्वको नेपाल कम्युनिष्ट पार्टी नेकपा माओवादी केन्द्रमा बिलय भएको हो ।</p><p><br></p><p>बिहीबार माओवादी केन्द्रको कार्यालय पेरिसडाँडामा औपचारिक कार्यक्रम आयोजना गरी एकता घोषणा गरिएको छ ।</p><p><br></p><p>सीपी मैनाली नेतृत्वको नेकपा मालेबाट अलग भएर टंक राईले नेपाल कम्युनिष्ट पार्टी खोलेका थिए । तर संगठनात्मक ढाँचा कम नेता बढी भएर अस्तित्व संकटमा रहेको बेलामा निर्वाचनमा थ्रेसहोल्ड राखेपछि राईले पार्टी बिलय गराएका हुन् ।</p><p><br></p><p>नेकपा माओवादी केन्द्रमा बिलय गराएपछि राईलाई पार्टी हेडक्वार्टर सदस्यको जिम्मेवारी दिइने बताइएको छ । उनको पार्टीका रामहरि कार्की, अम्बेर राई लगायतले भने पोलिटव्यूरो सदस्यको जिम्मेवारी पाउने भएका छन् ।</p><p><br></p><p>पछिल्लो समय रामबहादुर थापा बादल, मातृका यादव र मणि थापा पनि माओवादी केन्द्रको हेडक्वाटर सदस्य बन्दै पार्टी एकता गरेर बसेका छन् ।</p><p><br></p><p>खोटाङबाट ०४८ र ०५१ &nbsp;मा नेकपा एमालेका सांसद बनेका राई पछि मालेमा लागेपनि &nbsp;महासचिव सीपी मैनालीसँग बैचारिक मतभिन्नता पछि आफ्नै पार्टी खोलेका थिए ।</p><div><br></div>