सरकारले सुरक्षाको सुनिश्चितता दिन सकेनः प्रतिपक्षी दल

<p><span style="line-height: 1.42857;">काठमाडौं ।</span><br></p><p>प्रतिपक्षी दलहरुले मुलुकमा संविधान प्रदत्त अधिकारअनुसार हिँडडुल तथा भेला, आमसभा गर्न सुरक्षाको सुनिश्चिता दिन नसकेको भनी सरकारको आलोचना गरेका छन् ।&nbsp;</p><p><br></p><p>व्यवस्थापिका–संसद्को आजको बैठकमा समय लिएर एमालेका रवीन्द्र अधिकारीले तराईमा मोर्चाका नाममा एमालेका नेता कार्यकर्ताका घरमा तोडफोड र आक्रमण हुँदासमेत सरकारले केही नगरेकोे बताउनुभयो ।&nbsp;</p><p><br></p><p>सांसद अधिकारीले सुरक्षा व्यवस्था सुनिश्चितता गर्न सरकारबाट स्पष्ट जवाफ नआएसम्म संसद बैठक अघि बढ्न नसक्ने चेतावनी दिएपछि सभामुख ओनसरी घर्तीले त्यसप्रति संसदको गम्भीर ध्यानाकर्षण भएको र त्यस सन्दर्भमा यथाशीघ्र जानकारी गराउन सरकारलाई निर्देशन दिने बताउनुभएको थियो ।</p><p>एमाले सांसदले आसन ग्रहण गरेपछि बैठक सञ्चालन भएको थियो ।&nbsp;</p><p><br></p><p>बैठकमा नेमकिपाका प्रेम सुवालले तत्काल संविधान संशोधनको आवश्यकता नरहेको बताउनुभयो ।&nbsp;</p><p><br></p><p>यसैबीच, मधेश केन्द्रित दलहरुले व्यवस्थापिका संसदको आजको बैठक पनि बहिष्कार गरेका छन् ।</p><p><br></p><p>बैठकको शुरुमा सभामुख ओनसरी घर्तीसँग समयमाग गरी बोल्दै सांसद अकवाल अहमद शाहले यस अघिको सीमांकनसहित संविधान संशोधनको संयुक्त प्रस्ताव फिर्ता गरेर नयाँ प्रस्ताव दर्ताको विरोध गर्नु भयो ।</p>