फोरम लोकतान्त्रिकसँग दुई पार्टी एकीकरण

<p><span style="line-height: 1.42857;">काठमाडौं ।</span><br></p><p>मधेसी जनअधिकार फोरम 'लोकतान्त्रिक' नेपाल, राष्ट्रिय जनमुक्ति पार्टी 'लोकतान्त्रिक' र दलित जनजाति पार्टीबीच आज एकीकरण भएको छ ।&nbsp;</p><p><br></p><p>काठमाडौंमा आयोजित कार्यक्रममा फोरम लोकतान्त्रिकका अध्यक्ष विजयकुमार गच्छदार, जनमुक्तिका अध्यक्ष शिवलाल थापा र दलित जनजातिका अध्यक्ष यशोदाकुमारी लामाले संयुक्त रुपमा पार्टी एकीकरण भएको घोषणा गरेका हुन् ।</p><p><br></p><p>घोषणापछि पार्टीको नयाँ नाम ‘नेपाल लोकतान्त्रिक फोरम’ राखिएको फोरम लोकतान्त्रिकका उपाध्यक्ष रामजनम चौधरीले जानकारी दिए ।</p><p><br></p><p>कार्यक्रममा लोकतान्त्रिक फोरमका अध्यक्ष गच्छदारले पार्टीको उचाइ बढेको भन्दै आगामी दिनमा आदिवासी, दलित, पिछडिएका पक्षको हितमा पार्टी लाग्ने बताए ।</p><p><br></p><p>जनमुक्तिका अध्यक्ष थापा र जनजातिका अध्यक्ष लामाले हिमाल, पहाड, तराई र मधेसलाई एक बनाउनका लागि एक भएको बताए ।</p><p><br></p><p>पार्टी एकीकरणपछि व्यवस्थापिका–संसद्मा १७ सदस्य भइ फोरम पाँचाँै ठूलो दल बनेको छ ।&nbsp;</p><p><br></p><p>चौधरीका अनुसार तीनै पार्टीमा अहिले रहेको नेताहरुको जिम्मेवारी नयाँ महाधिवेशन नभएसम्मका लागि यथावत् राखिएको छ ।&nbsp;</p>