19.29¡ÆC
सोलुखुम्बु ।
बोक्सीलाई धपाउने भन्दै आगो खेलाउँदा झाँक्री आफैं जल्न पुगेका छन् ।
जिल्लाको सोताङ गाउँपालिका घर भएका झाँक्री कर्णबहादुर नेपालीले गएराति महाकुलुङ गाउँपालिका–४ गुदेलमा एक बिरामीको उपचार गराउने क्रममा मुखमा पेट्रोल राखी आगो नचाउँदै गर्दा अकस्मात अनुहारमा परेको आगोले गर्दा पेट्रोल मुखमानै बल्न पुग्दा जलेर बेहोस भएका हुन् ।
अनुहार जलेका नेपालीको गुदेल स्वास्थ्य चौकीमा उपचार भइरहेको गुदेल स्वास्थ्य चौकीका प्रमुख रामु केसीले जानकारी दिए । अनुहार पूरै जलेका नेपालीको अवस्था खतरामुक्त रहेको छ ।
