15.97¡ÆC
काभ्रे ।
प्रमुख निर्वाचन आयुक्त डा.अयोधिप्रसाद यादवले स्थानीय तहको निर्वाचनमा महिलाको उम्मेदवारी ५० प्रतिशत हुनुपर्ने सुुझाव दिनुभएको छ ।
निर्वाचन कार्यालयको आयोजनामा आज धुलिखेलमा सुरु भएको लोकतन्त्र, सुशासन, निर्वाचन, लैङ्गिक तथा समावेशीसम्बन्धी अभिमुखीकरणमा उहाँले निर्वाचनमा दलित, जनजाति सबै वर्गको अधिकार सुनिश्चितता आवश्यक रहको बताउनुभयो ।
आयोगका सहसचिव दीपक सुवेदीले निर्वाचनका सबै प्रक्रिया र चरणमा महिलाको समान पहुँच आवश्यक भएको बताउनुभयो ।
निर्वाचन अधिकारी मधुकरप्रसाद पोखरेलले जिल्लाबाट कम्तीमा दुई सय ७० महिला र ३२ दलित तथा अल्पसंख्यक निर्वाचित हुने जानकारी दिनुभयो ।
दुई दिनसम्म चल्ने अभिमुखीकरणमा सैद्धान्तिक विषय, नमुना मतदान र अभ्यासबारे सहभागीलाई जानकारी दिइनेछ । विभिन्न क्षेत्रबाट करिब ६५ जनाको अभिमुखीकरणमा सहभागिता छ ।
