मेरो भ्रमणले नेपाल–चीन सम्बन्धमा नयाँ आयाम थपियो– प्रम दाहाल

<p>काठमाडौं ।<br>प्रधानमन्त्री पुष्पकमल दाहालले आफ्नो भ्रमणपछि नेपाल–चीन सम्बन्धले नयाँ गति र आयाम थपेको दाबी गरेका छन् ।<br><br>मित्र राष्ट्र चीन भ्रमण सकेर आज स्वदेश फर्किएपछि त्रिभुवन अन्तराष्ट्रिय विमानस्थलमा आयोजित पत्रकार सम्मेलनमा प्रधानमन्त्री दाहालले चीन भ्रमणका अवरमा भएका उच्चस्तरीय भेटघाट र छलफलबाट आपसी विश्वास र समझदारी थप सुदृढ भएको दाबी गरे ।<br><br>चिनियाँ राष्ट्रपति सि जिङपिङसँगको भेटमा दुई पक्षीय सम्वन्धका साथै वान वेल्ट वान रोड ओवर परियोजनामा नेपालको सहभागिता तथा एक चीन नीति प्रति प्रतिवद्धता जनाएको बताए ।<br><br>प्रधानमन्त्रीले भ्रमणबाट भौतिक पूर्वाधार, पर्यटन, ऊर्जाका विषयमा थप सहयोग र सहकार्य बढाउने आधारशीला तयार भएको बताए ।<br>&nbsp;<br>उनले चीनको हाइनान प्रान्तमा बोआओ एसिया मञ्चमा आफूले विश्वव्यापीकरण र स्वतन्त्र व्यापारका सम्बन्धमा अति कम विकसित तथा भूपरिवेष्टित साना देशको चासो र अपेक्षा स्पष्ट रुपमा राख्ने अवसर प्राप्त भएको बताए ।<br><br>प्रधानमन्त्री दाहालले देशका सबै राजनीतिक दलको सहमतिले निर्वाचन होस् र राजनीतिक स्थिरताको वातावरण बनोस् भन्ने चिनियाँ पक्षको चासो रहेको बताए ।<br></p>