16.42¡ÆC
<p>धनकुटा ।<br>धनकुटाको साँगुरीगढी गाउँपालका स्थित भेडेटार क्षेत्रको पर्यटन प्रबद्र्धन गर्न भेडेटारको नमस्ते झरनाबाट काम्फेक हुंदै नाम्जे जोड्ने पैदल मार्ग निर्माण गर्न शुरु गरिएको छ । <br><br>झरनामा आउने पर्यटकहरुलाई झरना हुंदै भेडेटार क्षेत्रको पर्यटकीय स्थानहरुको श्रृङखलावद्ध अवलोकन÷भ्रमण गराउन ३ किलोमिटर लामो पदमार्ग निर्माण गर्न लागिएको हो ।<br> <br>पर्यटन कार्यालय बिर्तामोढको २४ लाख रुपैयाँको लागतमा पदमार्ग निर्माण भैरहेको झरना ब्यबस्थापन समितिका अध्यक्ष दिलिप लिम्बुले जानकारी लिनुभयो ।<br><br>यस अघि झरना क्षेत्रमा पर्यटन मन्त्रालय, शहरी विकास तथा भवन निर्माण विभाग र साबिक जिल्ला विकास समिति धनकुटाको २० लाख ९० हजार रुपैयाँ लगानीमा झोलुङ्गे पुल, विश्रामस्थल, वनभोज स्थल, खानेपानी, सौचालय लगायतका संरचना तयार पारिसकिएको छ ।<br><br>पूर्वी भारत र तराईका जिल्लाहरुको पहुंचमा रहेको उक्त नमस्ते झरना अवलोकन गर्न दैनिक १ हजार र बिदाको समयमा ४ हजार सम्म आन्तरीक तथा बाहय पर्यटकहरुले अवलोकन गर्ने गरेको समितिले जानकारी दिएको छ । <br><br><br><br><br></p>
